-தேனி, பகவதியம்மன் கோயில் அருகில் இருவர்.

ஏப்ரல்  -30

"மதுரையில ஓட்டுக்கு ஆயிரம் ரூபாய் தர்றாங்களாம். இங்க போட்டி போடுறவங்க வெறும் ஐம்பது ரூபாய் கொடுக்கிறானுங்க... ஓட்டு போடவே விருப்பம் வர மாட்டேங்குது..."

- ஆண்டிபட்டி பகுதியில் ஒரு பெரியவர்.

மே -1

"தொழிலாளர் தினமுன்னு கூப்பிட்டு பேரணி நடத்தினாங்க... ஆளுக்கு நூறு ரூபாய் கொடுத்தாங்க... இரண்டு நாள் கட்டிங்குக்கு தேறும். " 

- தேனி, மதுரை சாலையில் ஒருவர்.

மே -2

"இலங்கையில செத்துக் கிடக்கற தமிழனை தொலைக்காட்சி செய்தியில பார்க்கக் கூட முடியல... எப்படித்தான் மனசாட்சியில்லாம  கொன்னுக்கிட்டிருக்கானுங்களோ...? " 

-மதுரை, கோ.புதூரில் இரண்டு பெரியவர்கள்.

மே -3

"அடிக்கடி டீவியில போடுற சமையல் குறிப்பைப் பார்த்துட்டு என் வீட்டுக்காரி அடிக்கடி ஏதாவது சமைச்சுடுறாள். ஆனால் நம்மால சாப்பிடத்தான் முடிய மாட்டேங்குது."

- திருநெல்வேலி பேட்டையில் இரு இளைஞர்கள்.

மே  -4

"மாப்ளே இது திருப்பதி லட்டு மாதிரி தெரியலை. திருநெல்வேலி லாலா கடையில வாங்கின மாதிரியில்ல தெரியுது... "

-விக்கிரமசிங்கபுரம் கருத்தையாபுரம் பகுதியில் இளைஞர்கள்.

மே -5

" எலக்சன் முடியற வரைக்கும் டாஸ்மாக் சரக்குக்கு வழியிருக்கு. அதுக்கப்புறம்தாண்டா புதுரூட்டைப் பார்க்கனும்.." 

- தேனி அல்லிநகரம் பகுதியில் சிலர்.

மே  -6

"இந்த இழவெடுத்த விஸ்கி பாட்டிலை வேற பத்திரமா சேர்த்து வச்சிடுற... எடைக்குப் போடும்போது பக்கத்து வீட்டுக்காரங்களெல்லாம் ஒரு மாதிரியாப் பார்க்கிறாங்க...  "

- சின்னமனூர் மார்க்கையன்கோட்டை ரோட்டில் கணவனிடம் புலம்பிய மனைவி.

மே  -7

"கை, இலை, முரசுன்னு ஆளாளுக்கு ஒரு சின்னம் சொல்லி ஓட்டு கேட்கிறாங்க... யாரு பணம் கொடுத்து ஓட்டு கேட்கிறாங்களோ அவங்களுக்குத்தான் என்னோட ஓட்டு..." 

- உத்தமபாளையம், பைபாஸ் ரோட்டில் சில இளைஞர்கள்.