-மதுரை, மேலப்பொன்னகரம் பகுதியில் ஒரு பெண்.

மே -15

"இந்தப் பிள்ளைங்களுக்கு எப்ப ஸ்கூல் திறக்கும்னு இருக்கு. இதுங்க அடிக்கிற லூட்டியில் நமக்கு பிரஷர் ஏறிப் போயிடுது... ஆஸ்பத்திரி செலவும் ஏறிடுது..."

- திண்டுக்கல், காட்டாஸ்பத்திரி பகுதியில் ஒரு பெரியவர்.

மே -16

"எலக்சன் ரிசல்ட் எதிர்பார்ப்புக்கு விரோதமால்ல இருக்குது... மக்கள் கொள்கை, ஜாதி, மதம், இனம் எல்லாம் விட்டுட்டு பணத்துக்கு ஓட்டுப் போட ஆரம்பிச்சுட்டாங்களே... இது எங்க போய் முடியப் போகுதோ..." 

- தேனி, பாரஸ்ட் ரோட்டில் இரண்டு இளைஞர்கள்.

மே -17

"கல்யாணம் முடிஞ்சு ஏழு வருசமாச்சு... இன்னும் குழந்தையில்லைங்கற... மெடிக்கல் செக்கப் செய்துக்க வேண்டியதுதானே... கோயில் குளத்துக்குப் போறதோட அதுக்கும் போய்ப் பாரேன். " 

-திருநெல்வேலி காந்திமதி அம்மன் கோவில் அருகே இரு பெண்கள்.

மே -18

"வாழ்க்கையில யாரையாவது நம்பி ஏமாறுறதே உன் வேலையாப் போச்சு... இந்தக் காலத்தில உண்மை, நேர்மைன்னு சொல்லிக்கிட்டிருந்தா வறுமைதான் வரும். பெருமை எதுவும் வராது."

- தேனி பேருந்து நிலையம் அருகே தன் மகனிடம் ஒரு பெரியவர்.

மே  -19

"பிரபாகரன் செத்துப் போயிட்டாருன்னு சொல்றாங்க... இங்க இருக்கிற தமிழனுக்கும் தலைவனுக்கும் இன உணர்வு செத்து விட்ட பிறகு... எல்லாம் நடக்கும்...  "

-மதுரை, கே.கே.நகர் பகுதியில் சில இளைஞர்கள்.

மே -20

"எம்.ஃபில் டிசெர்டேசனுக்கு பத்தாயிரம் கொடுத்தா அந்த புரபசர் எல்லாம் முடிச்சு புக்கையேக் கையில கொடுத்திடுவாராம்டா... அப்படிச் செய்றதுதான் பெட்டர்னு தோணுது... அவரைப் பிடிச்சுடுவோமா?" 

- மதுரை காமராசர் பல்கலைக்கழக கேண்டினில் இரு இளைஞர்கள்.

மே  -21

"உனக்கு நல்லா ஜால்ரா அடிக்கத் தெரியுது, சமயத்துக்கேற்ப பேசத் தெரியுது, உனக்குத்தானப்பா காலேஜில் வேலை செய்ற தகுதியிருக்கு. என்னையெல்லாம் எப்ப வேணாலும் கழட்டிடுவானுங்க... "

- தேனி மாவட்ட ஆட்சித்தலைவர் அலுவலகம் அருகில் இரு இளைஞர்கள்.

மே  -22

"நம்ம கூடவே இருந்துக்கிட்டு இந்த கருங்காலிப் பயலுங்க ஆபிஸில போய் நம்மளைப் போட்டுக் குடுத்திடுறானுங்க... எந்த விசயத்தையும் யாரை நம்பியும் பேச முடியமாட்டேங்குது..." 

- தேனி அல்லிநகரம் சாவடித் தெருவில் இரு இளைஞர்கள்.