சீலா மீன் வடை

தேவையான பொருட்கள்:

• சீலா மீன் - 600 கிராம் ( சீலா மீன் கிடைக்காத போது முள் இல்லாத மீன் எதையும் தேர்வு செய்து கொள்ளவும்)

• உளுந்து - 300 கிராம்

• பெரிய வெங்காயம் - 100 கிராம்

• முட்டை - 3 எண்ணம்

• மிளகாய் - 25 கிராம்

• மிளகாய்த் தூள் - 1/2 தேக்கரண்டி

• பூண்டு - 8 பல்

• மஞ்சள் தூள்- 1/4 தேக்கரண்டி

• உப்பு - தேவையான அளவு

• இஞ்சி - சிறிது

• மல்லித்தழை - தேவையான அளவு

• நல்லெண்ணெய் - தேவையான அளவு

செய்முறை:

1. மீனை ஆவியில் வேகவைத்து முள்ளை அகற்றி உதிர்த்து மசித்து வைத்துக் கொள்ளவும்.
2. இந்த மீனுடன் நறுக்கி வைத்த பெரிய வெங்காயம்,  மிளகாய், பூண்டு, மல்லித்தழை, இஞ்சி ஆகியவற்றைச் சேர்க்கவும்.
3. இதில் முட்டையை உடைத்து ஊற்றி, உப்பு, மிளகாய்த்தூள். மஞ்சள்தூள் போன்றவற்றைச் சேர்த்துக் கலக்கவும்.
4. இந்தக் கலவையில் உளுந்தம் பருப்பை மாவாக்கிக் கலந்து நன்றாகப் பிசையவும்.
5. பிசைந்த கலவையை வடைபோல் தட்டி சூடாக்கப்பட்ட நல்லெண்ணையில் பொரித்து எடுக்கவும்.