-தேனி.எஸ்.மாரியப்பன்.

ஒருவன்: எது எதுக்குத்தான் விளம்பரம் கொடுக்கிறதுங்கற ஒரு முறையே இல்லாமல் போச்சு!

மற்றவன்: எதுக்கு விளம்பரம் கொடுத்திருக்காங்க...?

ஒருவன்: ஒருத்தர் "சின்ன வீடு" வேணுமின்னு விளம்பரம் கொடுத்திருக்கார்...!

*********

ஒருவன்: வறுமைக் கோட்டுக்குக் கீழே இருப்பவர்களிடம் இந்த டாக்டர் பணம் வாங்க மாட்டார்.

மற்றவன்: ஏன்...?

ஒருவன்: பணம் இருக்காதுன்னு கதையை முடித்து விடுவார்...!?

*********

ஒருவன்: நேற்று இண்டர்வியூவிற்குப் போய் தூங்கி விட்டேன்.

மற்றவன்: அப்புறம்...?

ஒருவன்: நான்தான் கிளார்க்குன்னு நினைத்து நிறையப் பேர் கவரைக் கொடுத்து விட்டுப் போய் விட்டார்கள்.

*********

ஒருவன்: என் மாமனார் சரியான ஏமாற்றுப் பேர்வழி...!

மற்றவன்: எப்படிச் சொல்ற...?

ஒருவன்: எனக்குச் சீதனமா ஒரு வீடு தர்றேன்னு சொல்லி விட்டு அவரோட சின்ன வீட்டைக் கொடுத்திட்டார்.

*********

ஒருவன்: என் காதலிகிட்ட உன்னைக் காதலிக்கிறேன்..னு சொன்னதற்குத் திட்டிட்டா...!

மற்றவன்: எதுக்கு?

ஒருவன்: "ஐ லவ் யூ"ன்னு சொல்றதுக்கு என்ன கேடு வந்ததுன்னு கேட்கிறா...!

*********

ஒருவன்: சின்ன வயசில என் மனைவி விரல் நகத்தைக் கடிப்பாளாம்.

மற்றவன்: இப்போ...?

ஒருவன்: விரலையேக் கடித்துத் தின்னு கொண்டிருக்கிறாள்.

*********

ஒருவன்: எங்க வீட்டில எதுவும் எங்கப்பா சொன்னதுதான் முடிவு...!

மற்றவன்: கரெக்டா சொல்லிடுவாரா?

ஒருவன்: ஆமாம். ராத்திரியிலேயே எங்கம்மா கிட்ட கேட்டு வைத்துக் கொள்வார்...!

*********

ஒருவன்: இந்த டாக்டர் ஆபரேசன் பண்ணினால் எப்படியும்...

மற்றவன்: பேஷண்டைப் பிழைக்க வைத்து விடுவாரா...?

ஒருவன்: இல்ல... பேஷண்டைப் பிழைக்க விட மாட்டார்...!

*********

ஒருவன்: எங்க மேனேஜர் தவறா ஒரு காரியம் செய்துவிட்டு நான் ஒரு மடையன்...ன்னு தன்னைத் தானே திட்டிக் கொண்டார்.

மற்றவன்: நீ என்ன சொன்ன...?

ஒருவன்: உண்மையைத் தானே சொன்னீர்கள்..ன்னு சொன்னேன்.

தேனி.எஸ்.மாரியப்பன் அவர்களின் இதர படைப்புகள்

  முந்தைய சிரிப்புகள் காண