முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை: 514 பாரம் தூக்கிகள். பாவம்... இவர்கள் என்ன செய்வார்கள்... எதிரிகள் யாரென்று இனம் காணத்தெரியாதவர்கள் .. ! கண்களைக்குத்த கயவர்கள் முயலும்போது சித்திரத்தை மறைத்து வைக்க மறைவிடம் தேடுகிறார்கள் ! பாவம்... இவர்கள் என்ன செய்வார்கள் ... எதிரிகள் யாரென்று இனம் காணத்தெரியாதவர்கள் .. ! வறுமையும் பசியும் வருணம் பார்த்து வருவதில்லை.... பஞ்சமும் புயலும் பாகுபாடு பார்ப்பதில்லை ... கூலி உயர்வுக்காக குரல் கொடுக்கும்போது தாக்கும் தடிகள் தங்களுக்குள் பேதம் பார்ப்பதில்லை ...! கீழ வெண்மணிகள் இன்னும் தொடர்கதையாகின்றன ! பாவம்... இவர்கள் என்ன செய்வார்கள் ... எதிரிகள் யாரென்று இனம் காணத்தெரியாதவர்கள் .. ! பல்லக்கு வாசிகள் பாரம் தூக்கிகளை பலிகடாவாக்குகிறார்கள்...! ஆனால்.... ஆனால்... பாரம் தூக்கிகளின் பாதம் நோகும் ஒருநாள் ! அன்று...அன்று...! பூமிப்பந்தின் சுழற்சியில் புதிய வேகம் பிறக்கும்..! -மு. ராஜாராம்.
m
முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.