முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை:54 நானும் பொம்மை... நீயும் பொம்மை... சொல்லத் தெரியாத உணர்வுகள் சொல்ல முடியாத உண்மைகள் ஆயிரம் காட்சிகள் வாழ்விலே அரங்கேறிடும் போதிலே நானும் பொம்மை... நீயும் பொம்மை... தேடித் தேடி சேர்த்திடும் செல்வங்கள் கோடி கோடியாய் குவிந்திட்ட போதிலும் தேடாமல் கிடைத்திடும் அனுபவங்கள் தோற்றிடும் கோலங்கள் பார்த்திடும் வேளையில் நானும் பொம்மை... நீயும் பொம்மை... துடித்தொரு குழந்தையாய் மண்ணில் விழுவதும் வளர்ந்தொரு மனிதனாய் விளைந்திடும் வேளையில் நிலைபெறும் நிகழ்வுகள் மனதினில் உறைந்திடும் நித்திய நடப்புகள் தடுப்பவர் எவருமில்லை - அப்பொழுதினில் நானும் பொம்மை... நீயும் பொம்மை... உள்ளத்தின் அடியில் புதைந்திடும் நிஜங்கள் உருவத்தின் பின்னால் தொடரும் நிழல்கள் நிஜத்தின் நிழலில் பொய்களின் உறக்கங்கள் விழித்திடும் போது மறைந்திடும் பொழுதுகள் நானும் பொம்மை... நீயும் பொம்மை... விழிகளில் மலர்ந்திடும் கண்ணீர்ப்பூக்கள் வரைந்த சித்திரம் கண்ணீர்க் கோடுகள் காலச்சக்கரத்தில் பகடைக் காய்கள் கைகளில் விலங்கு கால்களில் சங்கிலி நானும் பொம்மை... நீயும் பொம்மை... கண்முன்னே காணும் மோசங்கள் கயவர் போடும் ஆட்டத்தால் நாசங்கள் அனைத்தும் புவியில் அழகான வேசங்கள் ஆயினும் என்ன நம்மால் முடியும்...? பாவம் நானும் பொம்மை... நீயும் பொம்மை... -சக்தி சக்திதாசன், லண்டன்.
m
சக்தி சக்திதாசன் அவர்களது இதர படைப்புகள் முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.