* கடவுள் அடிக்கடி நம்மிடம் வருகிறார், ஆனால் பெரும்பாலும் அந்த நேரங்களில் நாம் வீட்டில் இருப்பதில்லை.

* நம்பிக்கையில்லாமல் பிரார்த்தனை செய்பவன் தன் முறையீடுகள் நிறைவேற்றப்படுமென்று நம்பமுடியாது.

* விதியை விலக்கலாம் என்று ஒரு வழியிலே சென்றால், அங்கேயும் அது முன்வந்து நிற்கும்.

* அதிருஷ்டம் நமக்குத் தூக்கத்தில் வரும்.

* கெட்டதை விட நல்லதிருஷ்டத்தைத் தாங்கப் பெருங்குணங்கள் தேவை.

* ஆட்டைத் தேடுபவன் ஓநாயைக் கண்டான்!

* உலகம் முன்னை விட அறிவு பெற்றிருக்கிறது.

* இயற்கைக்கு மாறுபட்டது அனைத்தும் அரைகுறையானவை.

* புத்தகங்களைப் படிப்பதைக் காட்டிலும், மனிதர்களைப் படிக்க வேண்டியது அவசியம்.

* வாழ்க்கை ஒரு வெங்காயம், அதை உரிக்கும்பொழுது, கண்ணீர் வரும்.

* எந்தக் கண்ணாடியும் ஒரு பெண் அழகியில்லையென்று சொல்லியதில்லை.

* காதல் வந்துவிட்டால், கழுதைகளும் நடனமாடும்.

* ஒநாயை அடக்கி வைக்க அதற்கு விவாகம் செய்து வை. (முரடனாயிருக்கும் மகனுக்குத் திருமணம் செய்து வைத்தால் அவன் அடங்கி விடுவான்)

* ஊமையான மனைவி கணவனிடம் அடிபடுவதேயில்லை.

* வீடில்லாத மனிதன், கூடில்லாத பறவை.

* நல்ல மாப்பிள்ளை கிடைத்தவன் ஒரு மகனை அடைந்தவன்; தீய மாப்பிள்ளை கிடைத்தவன் தன் மகளை இழந்தவன்.

* அதிக உறவினர், அதிகத் துன்பம்.

* விருந்து முடிந்த பிறகு மனிதன் தலையைச் சொறிகிறான்.

* குருடனும் சில சமயங்களில் தானி பத்தைக் கண்டுபிடிக்கிறான்.

* நோயைச் சொன்னல்தான், குணமாக மருந்து கிடைக்கும்.

* ஒருவருக்காக மற்றொருவர் உயிர் துறக்க முடியாது.

* சேற்றிலிருப்பவன் கரையிலிருப்பவனையும் சேர்த்து இழுத்துக் கொள்வான்.

* பெரிய பணக்காரனும் முடிவில் ஒற்றைத் துணியோடுதான் போகிறான்.


* ஏழையின் பணம் சூரியனைக் கண்ட பனி போல் தீர்ந்து விடுகின்றது.

* தீய வழியில் வந்த செல்வம் செழிப்பதில்லை.

* வறுமை ஒரு வகையான தொழு நோய்.

* வாழ்க்கையில் வாழ்வதைக் காட்டிலும் செயல்தான் அவசியம்.

* தீங்குகளை மணலில் எழுது. நன்மைகளை சலவைத் கல்லில் எழுது.

* சொற்ப இன்பம், நீண்ட துயரம்.

* சிரிக்காத நாள் வீணய்ப் போன நாள்.

* பின்னால் இரண்டு கொடுப்பதாகச் சொல்வதை விட, ஒன்றைக் கொடுத்தனுப்புதல் மேல்.

* கொடுக்கக் கூடியவனுக்கு நண்பர்கள் அதிகம்.

* உபகாரம் செய்பவன் நன்றியற்றவர்களை உண்டாக்குகிறான்.

* நன்றி மறத்தலே மற்றத் தீமைகளுக்கெல்லாம் தாய்.

* பண்பில்லாத அழகு மணமில்லாத மலர்.

* அழகுள்ள பெண்ணையும், கிழிந்த சேலையையும் யாராவது பிடித்து இழுப்பர்.

* அதிகப் படிப்பும் மிகக் குறைந்த படிப்பும் மனவளர்ச்சிக்கு இடையூறுகள்.

* ஒன்றும் அறியாதவனுக்கு ஐயமே இல்லை.

* ஒரு மனிதனை அறிய, அவன் பதில்களை விட்டுவிட்டு, அவன் கேள்விகளைக் கவனிக்கவும்.

* சாதாரணப் புத்தியால் செய்ய முடியாததைச் செய்வதுதான் விவேகம்.

* எல்லோரும் மூடர்களானால், நீ மட்டும் அறிவாளியாயிராதே.

* இசை வயிற்றை நிரப்பாது.

* ஒடினால் மட்டும் போதாது; உரிய காலத்தில் புறப்படவும் வேண்டும்.

* பழமொழியால் திருடனும் அறிவாளியாவான்.

* வல்லமையுள்ளவர்களின் வாதங்களுக்கே எப்பொழுதும் மதிப்பு அதிகம்.

* பண்பு எப்பொழுதும் சிறுபான்மைக் கட்சியாகவே இருக்கும்.

* மனச்சாட்சி இல்லாதவன் ஒன்றுமில்லாதவன்.


* நாம் விரும்புவது கிடைக்காத போது, எது கிடைத்ததோ அதை விரும்ப வேண்டும்.

* வேண்டாம் என்று தியாகம் செய்து தள்ளுவதில், ஒவ்வொன்றிலும் ஏதோ நன்மையிருக்கிறது.

* நாட்டு நாகரீகத்தைப் பின்பற்று, அல்லது உலகத்தை விட்டுப் போய்விடு.

* விளக்கொளியில் உண்மையாகத் தோன்றியது, சூரிய வெளிச்சத்தில் மாறவும் கூடும்.

* வாக்களித்த பொருள்கள் செலுத்த வேண்டிய கடன்கள்.

* உன்னை ஆட்டுக்குட்டியாக ஆக்கிக்கொண்டால், ஓநாய் உன்னைத் தின்றுவிடும்.

* முடவர் முன்னால் நொண்டி நடக்காதே.

* பிச்சைக்காரன் பணக்காரனானால் அவன் பெருமிதத்திற்கு அளவேயிராது.

* செருக்கும் தற்பெருமையும் மனிதனின் ஆதிப் பாவம்.

* பண்டத்தையும் பழக்கத்தையும் உடைக்க வேண்டும்.

* உணர்ச்சிமயமாயிருப்பவர்களை எங்கு வேண்டுமானலும் தூக்கிச் செல்லலாம்.

* நாவால் அடிபடுவதை விட, காலால் உதைக்கப்படுவது மேல்.

* ஒவ்வொரு சொல்லாகச் சேர்ந்து நூல் உருவாகின்றது.

* இழைக்கப்பட்ட இன்னல்களை மணலில் எழுதவும், செய்த நன்மைகளைப் பளிங்கில் எழுதவும்.

* நல்ல சொற்கள் நம்மைச் சிரிக்க வைக்கின்றன. நல்ல செயல்கள் மெளனமாக்குகின்றன.

* நடக்காது என்ற காரியம்தான் எப்பொழுதும் நடைபெறுகின்றது.

* தலைதான் எப்பொழுதும் இதயத்தால் ஏமாற்றப் பெறுகின்றது.

* நன்மையைப் போலவே, தீமையிலும் வீரர்கள் இருக்கிறார்கள்.

* பெரும்பாலும் பயத்தினால் தைரியம் பிறக்கும்.

* ஒடுகிறவனுக்குப் பின்னால் யாரோ துரத்தி வருவது போலவே இருக்கும்.

* நீதியில்லாமல் புகழ்ந்தால், கண்ணியமானவன் வருத்தமடைவான்.

* உழைப்பு மகிழ்ச்சிக்குத் தந்தையாகும்.

* உலகத்துச் செல்வங்களெல்லாம் இழந்து போன ஒரு கணத்தைத் திரும்பப் பெற முடியாது.

* எல்லாத் துயரங்களுக்கும் இரண்டு பரிகாரங்கள் உண்டு. அவை; காலமும் மெளனமும்.

* மழைக்காலத்தில் எங்கும் மழை பெய்யும்; கோடையில் கடவுள் விரும்பிய இடங்களில் மட்டும் பெய்யும்.

* ஒடிக் களைப்பதை விட, அடைத்துக் கிடப்பதில் குதிரை அதிகக் களைப்படையும்.

* ஒடுகிற குதிரைக்குத்தான் அடி அதிகம்.

* பயனுள்ள பொருள் சுமையாகத் தோன்றாது.


* ஒரு பெண் அந்தரங்கமாக வைத்துக் கொள்ளக்கூடிய விஷயம் அவளுடைய வயதுதான்.

* சிக்கனம் என்பது ஏழைகளுக்குச் சொத்து, செல்வர்களுக்கு நல்லறிவு.

* தேவையில்லாதவைகளை வாங்குவோன், விரைவில் அவசியமானவைகளையும் விற்க நேரும்.

* பசியுள்ள குதிரை அடிப் புல்லைக் காலியாக்கி விடும்.

* விலையைச் சொன்னால், உண்பதின் சுவை போய்விடும்.

* அமைதி செல்வத்தை உண்டாக்குகின்றது; செல்வம் போரை உண்டாக்குகின்றது.

*****

இது முத்துக்கமலம் இணைய இதழின் படைப்பு.