* ஆமையைக் கடித்த ஈக்கு வாய்தான் வலிக்கும்.

* புதைத்து வைத்த பொருளுக்கும், மறைத்து வைத்த அறிவுக்கும் வேற்றுமையில்லை.

* கதிர் முற்றிவிட்டால், அறுவடையை நாளைக்கு என்று ஒத்தி வைக்கக் கூடாது.

* கொடுக்க முடியாத கடன்காரரிடம் கிடைத்தது ஆதாயம்.

* பரம ஏழைக்கு கடனே இராது.

* ஒருவனுடைய உணவு மற்றொருவனுக்கு விசமாகலாம்.

* போர் நடக்கும் பொழுது சட்டங்கள் ஊமைகளாகி விடுகின்றன.

* அமைதியான காலத்தில் சிங்கங்களாய் இருப்பவை, போரில் மான்களாக இருக்கும்.

* போரைப் போலவே அமைதியிலும் புகழ் பெற முடியும்.

* சமயம் இல்லாத மனிதன் கடிவாளம் இல்லாத குதிரை.

* மனிதனின் பிறப்பிடம் உலகம்.

* தத்துவம் வழி காட்டும், அடையவேண்டிய லட்சியம் ஞானம்.

* நமது நெஞ்சினுள்ளே ஒரு தெய்வத்தன்மை உள்ளது.

* மக்கள் எப்படியோ, அப்படியே குருக்களும் இருப்பர்.

* நல்ல அதிருஷ்டம் வரும் போது, நல்ல புத்தி இருப்பது அரிது.

* மூட நம்பிக்கை மனத்தை விஷமாக்கி, அதன் அமைதி அனைத்தையும் அழித்து விடுகின்றது.

* இயற்கையை மாற்றுவது கடினம்.

* மனிதன் காற்றடைத்த ஒரு தோற்பை.

* மனிதனுக்கு மனிதன் ஓநாயாக இருக்கிறான்.

* நாம் வாழத் தொடங்கிக் கொண்டே யிருக்கிறோம், ஆனால் வாழ்வதில்லை.

* பெண் மனிதனின் குழப்பம்.

* கோபம் வந்த பெண் கரையில்லாத கடல்.

* செல்வமுள்ள பெண்ணைப்போல் சகிக்க முடியாதது வேறில்லை.

* மனைவி செய்யும் பாவங்களுக்குக் கணவனும் உடந்தைதான்.

* தன் குடும்பத்திற்கு நேரும் அவமானத்தைக் கடைசியாகத் தெரிந்து கொள்பவன் கணவன்.

* அழகான பெண்ணின் புன்னகை பணப்பையின் கண்ணீராகும்.


* எதிர்ப்பு இல்லாவிட்டால், பண்பு வாடி உதிர்ந்து விடும்.

* மனிதனின் நடத்தையே அவனுடைய அதிருஷ்டத்தைத் தீர்மானிக்கிறது.

* மிகவும் மோசமான கேவலம் வறுமைதான்.

* பொய்யைத் திரும்பத் திரும்பச் சொன்னால், அது பெரிய உருவாகிவிடும்.

* ஒரு பொய்யை மிதித்துக் கொண்டு அடுத்த பொய் வரும்.

* உன்னிலும் மேலானவர்களுக்கு வழிவிடு.

* ஆணியை ஆணியால் அகற்றுவது போல், பழக்கத்தைப் பழக்கத்தால் நீக்க வேண்டும்.

* முயற்சி செய்கிற வரையில் எவருக்கும் தம் திறமை தெரியாது.

* அமைதியான நாயிடத்தும், அசைவில்லாத நீரிடத்தும் எச்சரிக்கையாயிருக்க வேண்டும்.

* புகழத் தெரியாதவனுக்குப் பேசவேத் தெரியாது.

* செய்ய வேண்டிய கடமையைச் செய்வதில் நமக்குப் பாராட்டுக் கிடையாது.

* பிறந்தால் அரசனாகப் பிறக்க வேண்டும் அல்லது மூடனாய்ப் பிறக்க வேண்டும்.

* கீழே நிலமுள்ளவனுக்கு அந்நிலத்திற்கு மேலே வானம் வரை சொந்தம்.

* அடிக்கடி சோதிக்கப் பெற்ற பொறுமை கோபமாக மாறும்.

* நீ நன்மைகளே செய்திருக்கையில், துன்பம், பதிலாக விளையுமானால், மிகவும் வேதனையாய்த்தானிருக்கும்.

* சோம்பலுள்ள மனத்திற்கு எது தேவை என்றே தெரியாது.

* எப்பொழுது தொடங்கலாம் என்று நாம் ஆலோசிக்கும் பொழுதே, காலம் கடந்து விடுகின்றது.

* மூர்க்கமான விலங்குகளும், அடைத்து வைத்தால், வீரத்தை மறந்து விடுகின்றன.

* வெற்றி பெற்ற பின் தன்னை அடக்கிக் கொள்பவன் இரண்டாம் முறையும் வென்றவனவான்.

* அபாயமில்லாமல் அபாயத்தைத் தாண்ட முடியாது.

* அச்சம் மனிதர்களை எதையும் நம்பும்படி செய்துவிடும்.


* புதிதாகப் புகழ் வராவிட்டால், பழைய புகழும் போய் விடுகிறது.

* கழுதை போல் உழைத்தவன் கனவானைப் போல் உண்பான்; கனவானைப் போல் உழைத்தவன் கழுதை போல் உண்பான்.

* பறந்து செல்லும் நாட்களைப் பிடிக்க லகானில்லை.

* வயலுக்கு ஒய்வு கொடுத்தால், அதிக விளைச்சல் காணும்.

* பிறருக்குச் சொல்லிக் கொடுக்காமல் கட்டி வைத்திருக்கும் அறிவு பயனற்றது.

* இரகசியத்தைக் காப்பதை விட வாயில் தீயை அடக்கிக் கொள்ளல் எளிது.

* ஒருவன் நஷ்டமில்லாமல் ஆதாயமடைய முடியாது.

* சிக்கனம் இருந்தால், மற்ற நல்ல பண்புகள் யாவும் வந்துவிடும்.

* மனைவி உள்ள கட்டிலில் சண்டையில்லாமல் இராது.

* தன் குடும்பத்தை விட்டு ஓடுபவனுக்கு முடிவான இடம் இல்லை.

* அதிருஷ்டமுள்ளவர்கள் மணமாகி மூன்றாம் மாதம் குழந்தையை அடைகிறார்கள்.

* இன்று விருந்து, நாளை உபவாசம்.

* மென்மையான களியை எந்த உருவமாகவும் பிடிக்கலாம்.

* மனம் வேறிடத்தில் இருந்தால், எல்லோருக்குமே கண்கள் குருடுதான்.

* இரவுச் சாப்பாட்டிற்கு முன்னும் பின்னும் சிறிது உலாவுதல் நலம்.

* நோய், நாம் யார் என்பதைக் காட்டுகின்றது.

* நோய்களுக்கு அஞ்சி ஒடும் பொழுது, நீங்கள் மருத்துவர் கைகளில் சிக்குகிறீர்கள்.

* மரணம் மருத்துவருக்கு அஞ்சாது.

* மரணம் உனக்காக எங்கே காத்திருக்கும் என்பது நிச்சயமில்லை; ஆதலால் அதை எங்குமே எதிர்பார்க்க வேண்டும்.

* ஒவ்வொரு நன்மையிலும் ஒரு தீமையும் உண்டு.

* அதிருஷ்டமுள்ளவன் என்பதைக் காட்டிலும், நல்லவன் என்று பெயரெடு.

* ஒருவன் பணக்காரன் என்றால், அவன் நீதியற்றவனாயிருப்பான். அல்லது நீதியற்றவனின் வாரிசாக இருப்பான்.

* அனைவரும், அவன் பணக்காரனா? என்றேக் கேட்கிறோம். அவன் நல்லவனா? என்று ஒருவரும் கேட்பதில்லை.

* ஏழை மனிதன் தன் ஆடுகளை எண்ணிப் பார்ப்பது இயற்கை.

* மக்களின் செயல்கள் தெய்வங்களை ஒருபோதும் ஏமாற்றுவதில்லை.

* இன்ப நிலைத்திருப்பதில்லை, சிறகு முளைத்துப் பறந்துவிடும்.

* அரிதாக வரும் இன்பத்திற்கு அருமை அதிகம்.

* கண்ணிரை விட விரைவில் காய்வது எதுவுமில்லை.

* இன்பமாயிருக்க இயற்கை எல்லோர்க்கும் வாய்ப்பளிக்கிறது: ஆனால் மக்களுக்கு அதைப் பயன்படுத்திக் கொள்ளத் தெரிய வேண்டும்.

* காலத்தால் குறையாத துக்கம் எதுவுமில்லை.

* எவருக்கு அளிக்கிறோம் என்பதில் கவனமாயிருக்கவும்.

* பூமியில் தோன்றுபவைகளில் ஆகக் கழிவானது நன்றி கெட்டவன்.

* உயிருள்ளவரை நம்பிக்கையும் உண்டு.

* பயனற்றதைப் பற்றிக் கொண்டிருப்பதை விட, நல்ல நம்பிக்கை மேலானது.


* பாத்திரம் சுத்தமாயில்லா விட்டால், அதில் ஊற்றுபவை எல்லாம் கெட்டுவிடும்.

* பேதைக்குப் புத்திதான் சொல்லலாம், தண்டித்தல் நலமன்று.

* அநேகமாக எல்லா மனிதர்களும் மூடர்களே.

* வேதனையுள்ள உள்ளத்திற்கு இசை மருந்து.

* கலைகளுக்குத் தாய் வறுமை.

* இலக்கியமில்லாத வாழ்க்கை மரணமாகும்.

* தெய்வங்கள் ஒருவனை வெறுத்தால், அவன் ஆசிரியனாவான்.

* காரசாரமான விவாதத்தில் நாம் உண்மையை நழுவவிட்டு விடக்கூடும்.

*****

இது முத்துக்கமலம் இணைய இதழின் படைப்பு.