இளமை குறித்து உலகப் பழமொழிகள்
வாலிபத்தில் கவனமின்றித் துள்ளினால், வயது காலத்தில் வருந்த வேண்டும்.
- இங்கிலாந்து
உலகம் இளையோருக்காக உள்ளது.
- ஸ்லாவேகியா
கழுதையும் இளமையிலே அழகுதான்.
- இந்தியா
இளமையைத்தான் அடக்கிக கொண்டு வரவேண்டும், முதுமை தானே தன்னை அடக்கிக் கொள்ளும்.
- இங்கிலாந்து
பத்து வயதில் விசித்திரக் குழந்தை, பதினைந்தில் கெட்டிக்கார இளைஞன், இருபதில் சாதாரண மனிதன்.
- ஜப்பான்
இளைஞன் வேலைக்கு வருகிறான், கிழவன் உணவுக்கு வருகிறான்.
- துருக்கிஸ்தானம்
புதிதாய்ப் பிறந்த கன்றுகள் புலிகளுக்கு அஞ்சமாட்டா.
- சீனா
இளங்கன்று பயமறியாது.
- தமிழ்நாடு
கூர்மையான முள் இளமையிலிருந்தே அப்படியிருப்பது.
- ஆப்கானிஸ்தானம்
அறிவாளி எவனும் இளமையை விரும்ப மாட்டான்.
- இங்கிலாந்து
இளைஞர்களைக் கேட்டுப் பாருங்கள்: அவர்களுக்கு எல்லாம் தெரியும்!
- பிரான்ஸ்
இளமையில் சூதாடிகள், முதுமையில் பிச்சைக்காரர்கள்.
- ஜெர்மனி
இளமையில் ரோஜா மலர்களின் மீது படுத்திருந்தால், முதுமையில் நீ முட்களின்மீது படுத்திருப்பாய்.
- இங்கிலாந்து
வாலிபத்திற்கு அடிக்கடி தோல் உரிந்து, புதுத்தோல் உண்டாகும்.
- அயர்லந்து
வாலிபத்தைப் பாராட்டிப் பேசினால், அது மேன்மையடையும்.
- அயர்லந்து
மென்மையான களியை எந்த உருவமாகவும் பிடிக்கலாம்.
- லத்தீன்
இளமையில் முகம் அழகு, முதுமையில் ஆன்மா அழகு.
- சுவீடன்
இளைஞர்கள் கூட்டமாய்ச் செல்வார்கள், நடுவயதினர் ஜோடியாகச் செல்வர், வயோதிகர் தனியாகச் செல்வர்.
- சுவீடன்
ஒருவர் இளமையாயிருத்தல் ஒரு சமயம்தான்.
- பிரான்ஸ்
வாலிபம் இடைவிடாத ஒரு வெறி, அது அறிவின் காய்ச்சல்.
- பிரான்ஸ்
மது இல்லாமலே வெறி கொள்வது வாலிபம்.
- கதே
வாலிபப் பருவத்தை அனுபவிக்க வேண்டும்.
- கிரீஸ்
அடங்காமல் துள்ளும் குட்டிகளே பின்னால் சிறந்த குதிரைகளாக ஆகின்றன.
- கிரீஸ்
தெய்வங்களுக்குப் பிடித்தமானவர்கள் இளமையிலேயே இறக்கிறார்கள்.
- கிரீஸ்
குஞ்சுகளே வாத்துக்களைப் புல்வெளிக்கு அழைத்துச் செல்கின்றன.
- இத்தாலி
வாலிபம் பறந்து செல்கின்றது.
- லத்தீன்
காலை நேரம் இருக்கும் பொழுதே, மலர்களைப் பறியுங்கள்.
- லத்தீன்
வயோதிகர் குளிர் காய்ந்து கொண்டிருக்கையில், வாலிபர்கள் நடனமாடுவார்கள்.
- இங்கிலாந்து
தொகுப்பு:- மு. சு. முத்துக்கமலம்.
*****
இது முத்துக்கமலம் இணைய இதழின் படைப்பு.
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
