சிரிப்பு
எதைக் குறித்து நாம் சிரிக்கிறோமோ, அதைத் தவிர, வேறெதுவும் நம்முடைய இயல்பைத் தெளிவாகக் காட்டமுடியாது.
- கதே
அதிகமான சிரிப்பு அறிவு சூன்யத்தையே காட்டும்.
- கோல்ட்ஸ்மித்
எத்தனை விஷயங்கள் சிரிப்பில் அடங்கியுள்ளன. நெஞ்சைத் திறந்து அறிவதற்கேற்ற திறவுகோல் அதுவே. சிரிக்க முடியாதவன் துரோகம், தந்திரம், திருட்டு முதலியன செய்யத் தகுந்தவன்.
- கார்லைல்
வீணாக்கிய நாட்களுள் அதிகமாக வீணாக்கிய நாட்கள் சிரிக்காத நாட்களே.
- ஷாம்பர்ட்
ஆண்டுக்குப் பதினாயிரம் தரும் சொத்தை விட அல்லும் பகலும் மகிழ்ச்சியாகயிருக்கும் இயல்பு கிடைத்தால் போதும்.
- ஜோஸப் ஹ்யூம்
மகிழ்ச்சி பொங்கும் முகத்துடையவர் வந்தால் போதும், உடனே வீட்டில் புதியதோர் ஜோதி உதயமாகி விடும்.
- ஆர். எல். ஸ்டீவன்ஸன்
உன் நோக்கத்தை வாளால் சாதித்துக் கொள்வதை விட, சிரித்த முகத்தால் சாதித்துக் கொள்வதேச் சாலச் சிறந்ததாகும்.
- ஷேக்ஸ்பியர்
அறிவுடையோர் சிரித்தற் கஞ்சார்.
- மார்ஷியல்
சிரிப்பே மனிதனை மற்றப் பிராணிகளினின்றும் வேறுபடத்திக் காட்டும் செயலாகும்.
- அடிஸன்
மூடன் அதிகமாகச் சிரிப்பான்; வஞ்சகன் சிரிக்கவே மாட்டான்.
- புல்லர்
சான்றோர் புன்னகையைக் காணலாம். சிரிப்பைக் கேட்க முடியாது.
- செஸ்டர்பீல்டு
நகைச்சுவையாகப் பேசுபவன், அனைத்தையும் நகைச்சுவைக்கான தகவல்களாகக் கருதுவான். ஆனால் அறிஞனோ எதையும் அவ்விதம் கருத மாட்டான்.
- கதே
நகைக்கப்படக் கூடிய குறை எதுவுமில்லாதவன் அன்பு செய்யப்படக் கூடியவனாகான்.
- ஹேர்
அதிகமாகச் சிரிக்காதே. ரசிகன் மிகவும் குறைவாகவேச் சிரிப்பான்.
- ஹெர்பர்ட்
தொகுப்பு:- மு. சு. முத்துக்கமலம்.
*****
இது முத்துக்கமலம் இணைய இதழின் படைப்பு.
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
