கடலையொட்டி அமைந்திருக்கும் நிலப்பரப்பை, கடற்கரை என்கிறோம். கடற்கரையானது, அதன் வளைவு, அமைப்பு, சரிவு, இடம் பெயர்வு, தோற்றம் ஆகியவற்றின் அடிப்படையில் எளிமையாகவும் ஏற்றுக் கொள்ளக் கூடியதாகவும் ஜான்சன் வகைப்பாட்டு முறையில், 1. அமிழ்ந்த கடற்கரை, 2. மேலெழுந்த கடற்கரை 3. நடுநிலைக் கடற்கரை 4. கூட்டுக் கடற்கரை என்று நான்கு வகைகளாகப் பிரிக்கப்படுகிறது.

1. அமிழ்ந்த கடற்கரை

நிலம் தாழ்வாகவோ அல்லது கடல் மட்டம் உயர்வதாலோ எற்படும் கடற்கரை ‘அமிழ்ந்த கடற்கரை’ ஆகும். இந்தியாவின் மேறகுக் கடலோரப் பகுதி (கொங்கணம் முதல் கர்நாடகம் வரை) அமிழ்ந்த கடற்கரையாகும். கிழக்குக் கடற்கரைப் பகுதியில் அமைந்த நிலப்பகுதி கடலில் அமிழ்ந்ததற்கான சான்றுகள் கிடைத்துள்ளன.

அமிழ்ந்த கடற்கரையானது, நிலம் தாழும் போது தோன்றினால் ஆறுகளின் முகத்துவாரத்தில் ஓத முகங்கள் தோன்றுகின்றன. இவற்றிற்கு ஓத முகக்கடற்கரை என்பது பெயராகும் (Earnestine Coast) உயர்ந்த நிலப்பகுதி தாழும் போது, பள்ளத்தாக்கு முகத்துவாரங்களில் புனல் வடிவ நுழைவுகள் ஏற்படுகின்றன. இவை நிலத்திற்குச் செல்லச் செல்ல ஆழம் மற்றும் அகலம் குறைந்து காணப்படுகின்றன. கோவாவில் இந்த வகையான கடற்கரை உள்ளது. இதற்கு ஃபியர்டு கடற்கறை என்று பெயர். இணையாக அமைந்துள்ள மலைத்தொடர்கள் மூழ்கி ஏற்படும் கடற்கரை டால்மேஷியன் கடற்கரை எனப்படும். மணல் திட்டுகளும், தீவுகளும் இக்கடற்கரையோரம் அமைந்திருக்கும்.


2. மேலேழுந்த கடற்கரை

நிலம் மேலெழுவதாலோ அல்லது கடல் மட்டம் தாழ்வதாலோ ஏற்படும் கடற்கரை ‘மேலெழுந்த கடற்கரை’ ஆகும். கடற்கரை மேலெழுந்து மணல் திட்டுகளும் காயல்களும் தோன்றுகின்றன. கிழக்குக் கடற்கரையிலுள்ள பழவேற்காடு ஏரி, சில்கா ஏரி போன்ற காயல்கள் கடலோர மணற்குன்றுகளுக்கு அடுத்துக் காணப்படுகிறது. எனவே, இவை மேலெழுந்தவை ஆகும். மேலும், மலைப்பாங்கான கடலோரம் மேலெழுந்ததால் சரிவு மிகுந்த கடற்கரை தோன்றுகிறது. கரடு முரடாகக் காணப்படும் இவ்வகைக் கடற்கரை கர்நாடக மாநிலத்தில் உள்ளது.

3. நடுநிலைக் கடற்கரை

கடல் மட்டம் அல்லது நீர்மட்டத்தில் எவ்வித மாற்றமுமின்றிக் காணப்படுவது. புதிய படிவுகள் கடலை நோக்கி வளர்ச்சியடைவதால் தோன்றும். இவை டெல்டா, எரிமலை, பவளப்பாறை, பனியாற்று வண்டல், வண்டல் சமவெளி, பிளவு என ஆறு வகைகளாக அமைகின்றன.

4. கூட்டுக்கடற்கரை

நடுநிலைக் கடற்கரையில் உள்ள ஆறு வகைகள் இரண்டு அல்லது மூன்று வகைக் கடற்கரைகள் சேர்ந்து காணப்படும் கடற்கரையாகும்.

*****

இது முத்துக்கமலம் இணைய இதழின் படைப்பு.