1. வாழைப்பழம் - 3 எண்ணம்

2. சப்போட்டா பழம் - 1 எண்ணம்

3. தர்பூசணி பழம் - ½ எண்ணம்

4. பப்பாளிப் பழம் - ¼ கப்

5. மாதுளம் பழம் - ¼ கப்

6. மாம்பழம் - ½ கப்

7. அன்னாசிப் பழம் - ½ கப்

8. திராட்சைப்பழம் - 10 எண்ணம்

9. பேரீச்சம் பழம் - 6 எண்ணம்

10. சர்க்கரை - தேவையான அளவு

11. ஐஸ் க்யூப்ஸ் - தேவையான அளவு

12. ஆரஞ்சு சிரப் - ¼ மேஜைக்கரண்டி

1. வாழைப்பழம், அன்னாசிப் பழம், மாதுளம் பழம், பப்பாளிப் பழம், மாம்பழம், சப்போட்டா பழம், மற்றும் தர்பூசணி பழத்தை துண்டுகளாக்கி மற்றும் பேரிச்சம் பழத்தைச் சிறு சிறு துண்டுகளாக நறுக்கி வைத்து கொள்ளவும்.

2. ஒரு பாத்திரத்தை மிதமான சூட்டில் அடுப்பில் வைத்து அதில் ஒரு கப் அளவு சர்க்கரையைப் போட்டு அதில் அரை கப் அளவு தண்ணீர் ஊற்றி ஒரு கரண்டியின் மூலம் சர்க்கரையை நன்கு கரைத்து விடவும்.

3. சர்க்கரை நன்கு கரைந்த பின் அடுப்பை அணைத்து விட்டு, அந்தப் பாத்திரத்தை அடுப்பிலிருந்து கீழே இறக்கி வைத்துச் சிறிது நேரம் அதை ஆற விடவும்.

4. பின்பு சிறிதளவு தண்ணீரை சுட வைத்து அதில் நாம் சிறு சிறு துண்டுகளாக நறுக்கி வைத்திருக்கும் பேரிச்சம் பழத்தை போட்டு அதை சுமார் 2 லிருந்து 4 நிமிடம் வரை ஊற விட்டு அதை எடுத்து ஒரு கிண்ணத்தில் வைத்துக் கொள்ளவும்.

5. பின்னர் நாம் நறுக்கி வைத்திருக்கும் தர்பூசணிப் பழத்தை எடுத்து ஒரு மிக்ஸி ஜாரில் போட்டு அதை நன்கு அரைத்துக் கொள்ளவும்.

6. பிறகு அதை ஒரு வடிகட்டியின் மூலம் வடிகட்டி அதை ஒரு பாத்திரத்தில் ஊற்றி வைத்து கொள்ளவும்.

7. அடுத்து ஒரு கிண்ணத்தில் நறுக்கி வைத்திருக்கும் வாழைப்பழத்தை போட்டு நன்கு மசித்து விடவும்.

8. பின்பு அதில் நாம் துண்டுகளாக ஆக்கி வைத்திருக்கும் பப்பாளிப் பழம், மாம்பழம், சப்போட்டா பழம் மற்றும் சுடு நீரில் ஊற வைத்து எடுத்து வைத்திருக்கும் பேரீச்சம்பழத்தைப் போட்டு அதையும் நன்கு மசித்து விடவும்.

9. பின்னர் அதில் நறுக்கி வைத்திருக்கும் அன்னாசிப் பழம், மாதுளம் பழம் மற்றும் திராட்சையைப் போட்டு அதை லேசாக மசித்து விடவும்.

10. அதனுடன் சர்க்கரைப்பாகை அவரவர் விருப்பத்திற்கேற்பச் சேர்த்து அதனுடன் ஆரஞ்சு சிரப்பையும் சேர்த்து நன்கு கிளறி விடவும்.

11. பின்னர் அதில் தயாரித்து வைத்திருக்கும் தர்பூசணிப் பழச்சாறை ஊற்றி அதை நன்கு கலந்து விடவும்.

12. பின்னர் அதில் தேவைக்கேற்ற ஐஸ் க்யூப்சைப் போட்டு பரிமாறலாம்.

*****

இது முத்துக்கமலம் இணைய இதழின் படைப்பு.