பேரிச்சை ஜூஸ்
மாணிக்கவாசுகி செந்தில்குமார்
தேவையான பொருட்கள்:
1. பேரீச்சம்பழம் - 50 கிராம்
2. எலுமிச்சம் பழம் - 1 எண்ணம்
3. சீரகத்தூள் - சிறிதளவு
4. இஞ்சி - 1 துண்டு
5. உப்பு - 1 சிட்டிகை
செய்முறை:
1. பேரீச்சம் பழத்தைத் தண்ணீரில் ஊற வைக்கவும்
2. இஞ்சியைத் தோல் சீவி நறுக்கிக் கொள்ளவும்
3. எலுமிச்சம் பழத்தை இரண்டாக அறுத்து, சாறு பிழிந்து கொள்ளவும்
4. பேரீச்சம் ஊற வைத்த தண்ணீரில் பழத்தையும், இஞ்சியையும் சேர்த்து அரைக்கவும்
5. பிறகு மீதியுள்ள பேரீச்சையை ஊற வைத்த தண்ணீருடன் சேர்த்து, அரைத்த விழுதை வடிகட்டவும்
6. பின் எலுமிச்சைச் சாறு, உப்பு, சீரகத்தூள், ஐஸ் கட்டிகள் சேர்த்துக் கலக்கிப் பரிமாறலாம்.
*****

இது முத்துக்கமலம் இணைய இதழின் படைப்பு.