சுரைக்காய் குழம்பு
மாணிக்கவாசுகி செந்தில்குமார்
தேவையான பொருட்கள்:
1. சிறிய சுரைக்காய் - 1 எண்ணம்
2. பச்சை மிளகாய் (கீறியது) - 1 எண்ணம்
3. வெங்காயம் – 1 எண்ணம்
4. இஞ்சி பூண்டு விழுது - 2 தேக்கரண்டி
5. மிளகாய்த்தூள் – 2 தேக்கரண்டி
6. புளி – நெல்லிக்காய் அளவு
7. தேங்காய் – 2 துண்டுகள்
8. சீரகம் – ஒரு தேக்கரண்டி
9. மஞ்சள்தூள் – 1/4 தேக்கரண்டி
10. மல்லித்தூள் – 1 1/2 தேக்கரண்டி
11. எண்ணெய் – தேவையான அளவு
12. உப்பு – தேவையான அளவு.
செய்முறை:
1. சுரைக்காய், வெங்காயம் ஆகியவற்றைப் பொடியாக நறுக்கி வைக்கவும்.
2. புளியைச் சிறிது தண்ணீர் ஊற்றிக் கரைத்து வைக்கவும்.
3. ஒரு கடாயில் எண்ணெய் விட்டுக் காய்ந்ததும், அதில் வெங்காயத்தைப் போட்டு பொன்னிறமாக வதக்கவும்.
4. அதில், கீறிய பச்சை மிளகாய், இஞ்சி-பூண்டு விழுதை சேர்த்து, பச்சை வாசனை போகும் வரை வதக்கவும்.
5. பின்னர் அதில் புளிக் கரைசல், மிளகாய்த்தூள், மஞ்சள்தூள், மல்லித்தூள், அரைத்த தேங்காய், சீரக விழுது சேர்த்து வதக்கவும்.
6. அதில் நறுக்கி வைத்த சுரைக்காய், உப்பு, தேவையான தண்ணீர் சேர்த்துக் கொதிக்க வைத்து, காய் நன்றாக வெந்ததும் இறக்கவும்.
*****

இது முத்துக்கமலம் இணைய இதழின் படைப்பு.