வெள்ளரிக்காய் சாம்பார்
மாணிக்கவாசுகி செந்தில்குமார்
தேவையான பொருட்கள்:
1. வெள்ளரிக்காய் – 1/4 கிலோ
2. வெங்காயம் – 1 எண்ணம்
3. பச்சை மிளகாய் – 2 எண்ணம்
4. தக்காளி – 1 எண்ணம்
5. துவரம் பருப்பு – 1 கப்
6. கடுகு – 1/2 தேக்கரண்டி
7. சீரகம் – 1/2 தேக்கரண்டி
8. மிளகாய் தூள் – 1/2 மேசைக்கரண்டி
9. மல்லி தூள் – 1/2 மேசைக்கரண்டி
10. மஞ்சள் தூள் – 1/4 தேக்கரண்டி
11. உப்பு – தேவையான அளவு
12. எண்ணெய் – தேவையான அளவு
13. மல்லித்தழை – சிறிது
செய்முறை:
1. வெள்ளரிக்காயின் தோல் மற்றும் விதைகளை நீக்கிப் பெரிய பெரிய துண்டுகளாக வெட்டிக் கொள்ளவும்.
2. வெங்காயம் மற்றும் தக்காளியை நறுக்கிக் கொள்ளவும்.
3. ஒரு பாத்திரத்தில் துவரம் பருப்பை எடுத்து, அது மூழ்கும் அளவு தண்ணீர் விட்டு வேக வைத்துக் கொள்ளவும்.
4. ஒரு கடாயில் எண்ணெய் ஊற்றிக் காய்ந்ததும் கடுகு போட்டுத் தாளிக்கவும்.
5. கடுகு வெடித்ததும் சீரகம் போடவும்.
6. அதன் பின்னர் நறுக்கின வெங்காயம் மற்றும் வெள்ளரிக்காய் போட்டு வதக்கவும்.
7. நன்றாக வதங்கிய பிறகு, அதில் மிளகாய்த்தூள், மல்லித்தூள், மஞ்சள் தூள், உப்பு சேர்க்கவும்.
8. வேக வைத்து எடுத்த துவரம் பருப்புடன் சிறிது தண்ணீர் விட்டு அதில் சேர்க்கவும்.
9. 15 நிமிடம் வரை வேக விடவும்.
10. அதில் மல்லித்தழையைத் தூவி இறக்கவும்.
*****

இது முத்துக்கமலம் இணைய இதழின் படைப்பு.