உருளைக்கிழங்கு மசாலாக் குழம்பு
மாணிக்கவாசுகி செந்தில்குமார்
தேவையான பொருட்கள்:
1. உருளைக்கிழங்கு - 1/4 கிலோ
2. பூண்டு - 2 பல்
3. வெங்காயம் - 1 எண்ணம்
4. தக்காளி - 1 எண்ணம்
5. கீறிய பச்சை மிளகாய் - 2 எண்ணம்
6. புளி - நெல்லிக்காய் அளவு
7. கடுகு - 1/2 தேக்கரண்டி
8. உளுத்தம்பருப்பு - 1/2 தேக்கரண்டி
9. சீரகம் - 1/2 தேக்கரண்டி
10. மஞ்சள்தூள் - 1 சிட்டிகை
11. கடலைப்பருப்பு - 1 தேக்கரண்டி
12. குழம்புப் பொடி - 1 தேக்கரண்டி
13. கறிவேப்பிலை - சிறிது
14. எண்ணெய் - தேவையான அளவு
15. மிளகாய்த்தூள் - தேவையான அளவு
16. உப்பு - தேவையான அளவு
செய்முறை:
1. உருளைக்கிழங்கு, வெங்காயம், தக்காளியைப் பொடியாக நறுக்கி வைக்கவும்.
2. புளியைச் சிறிது தண்ணீர் ஊற்றி ஊறவைக்கவும்.
3. கடாயில் எண்ணெய் விட்டுக் காய்ந்ததும் கடுகு, உளுத்தம்பருப்பு, சீரகம், கடலைப்பருப்பு போட்டு தாளிக்கவும்.
4. தாளிசத்துடன் நறுக்கிய வெங்காயம், பூண்டு, கீறிய பச்சை மிளகாய், கறிவேப்பிலை, தக்காளி, உருளைக்கிழங்கு, உப்பு சேர்த்து நன்றாக வதக்கவும்.
5. மஞ்சள்தூள், மிளகாய்த்தூள், குழம்புப் பொடி சேர்த்து வதக்கவும்.
6. புளிக் கரைசலை ஊற்றி நன்றாகக் கொதிக்கவிட்டு இறக்கவும்.
*****

இது முத்துக்கமலம் இணைய இதழின் படைப்பு.