பீட்ரூட் ரசம்
சுதா தாமோதரன்
தேவையான பொருட்கள்:
1. பீட்ரூட் - 1 எண்ணம்
2. தக்காளி - 1 எண்ணம்
3. சீரகம் - 1 தேக்கரண்டி
4. மிளகு - 1/2 தேக்கரண்டி
5. கடுகு - 1/2 தேக்கரண்டி
6. பச்சை மிளகாய் - 2 எண்ணம்
7. சின்ன வெங்காயம் - 6 எண்ணம்
8. உப்பு - தேவையான அளவு
9. எண்ணெய் - தேவையான அளவு
10. கறிவேப்பிலை - சிறிது
11. மல்லித்தழை - சிறிது
செய்முறை:
1. பீட்ரூட்டைத் தோல் உரித்து நறுக்கி வைக்கவும்.
2. தக்காளி, பீட்ரூட் துண்டுகள், சீரகம், மிளகு சேர்த்து மிக்ஸயில் விழுதாக அரைக்கவும்.
3. ஒரு வாணலியில் விழுதுடன் உப்பு சேர்த்து நன்கு கொதிக்க விடவும்.
4. வாணலியில் எண்ணெய் ஊற்றிக் காய்ந்ததும், அதில் கடுகு, கறிவேப்பிலை நறுக்கிய வெங்காயம் சேர்த்துத் தாளித்து ரசத்தில் சேர்க்கவும்.
5. ரசத்தின் மேல் நறுக்கிய மல்லி இலையினைத் தூவி பரிமாறவும்.
*****

இது முத்துக்கமலம் இணைய இதழின் படைப்பு.