1. உருளைக் கிழங்கு - 1/2 கிலோ

2. பச்சைப் பட்டாணி - 50 கிராம்

3. பச்சை மிளகாய் - 5 எண்ணம்

4. இஞ்சி பூண்டு விழுது - 1 தேக்கரண்டி

5. தக்காளி (சிறியது) - 1 எண்ணம்

6. கடுகு உளுந்தம் பருப்பு - ஒரு தேக்கரண்டி

7. சீரகம் - 1/2 தேக்கரண்டி

8. கறிவேப்பிலை - சிறிது

9. மஞ்சள் தூள் - சிறிது

10. பெரிய வெங்காயம் - 1 எண்ணம்

11. எண்ணெய் - தேவையானஅளவு

12. உப்பு - தேவையானஅளவு

1. ஒரு பாத்திரத்தில் தண்ணீர் ஊற்றி உப்பு சேர்த்து, அதில் உருளைக்கிழங்கை வேக வைத்து இறக்கி வைக்கவும்.

2. வேக வைத்தை உருளைக்கிழங்கைத் தோல் உரித்து மசித்து வைத்துக் கொள்ளவும்.

3. ஒரு கடாயில் எண்ணெய் ஊற்றிக் காய்ந்ததும், அதில் கடுகு, உளுந்தம் பருப்பு சேர்த்துப் பொரிந்தவுடன், அதில் நறுக்கிய வெங்காயம், பச்சை மிளகாய், கருவேப்பிலை, இஞ்சி பூண்டு விழுது சேர்த்து வதக்கவும்.

4. வதங்கிய பின்பு மஞ்சள்தூள் சேர்த்து, அதனுடன் வேக வைத்த மசித்த கிழங்குடன், பச்சைப் பட்டாணி சேர்த்து, அதனுடன் நறுக்கிய தக்காளி சேர்த்துக் கொஞ்சம் தண்ணீர் சேர்த்து வேக வைத்து இறக்கவும்.

*****

இது முத்துக்கமலம் இணைய இதழின் படைப்பு.