கொண்டைக்கடலைக் குழம்பு
மாணிக்கவாசுகி செந்தில்குமார்
தேவையான பொருட்கள்:
1. கருப்பு கொண்டக்கடலை – 150 கிராம்
2. பெரிய வெங்காயம் – 1 எண்ணம்
3. பூண்டு – 3 பல்
4. தக்காளி – 2 எண்ணம்
5. மிளகாய்த் தூள் – 2 தேக்கரண்டி
6. மல்லித்தூள் – 1 தேக்கரண்டி
7. மஞ்சள் தூள் – சிறிதளவு
8. தேங்காய் துருவல் – 2 மேசைக்கரண்டி
9. கசகசா – 1/4 தேக்கரண்டி
10. எண்ணெய் – 1 மேசைக்கரண்டி
11. பட்டை – 1 துண்டு
12. சோம்பு – 1 தேக்கரண்டி
13. கருவேப்பிலை – சிறிதளவு
14. உப்பு – தேவையான அளவு.
செய்முறை:
1. முதல் நாள் இரவில் கொண்டைக் கடலையை ஊற வைத்துக் கொள்ளவும்.
2. ஊறிய கொண்டைக்கடலையுடன் தேவையான தண்ணீர், உப்பு சேர்த்து வேக வைக்கவும்.
3. வெங்காயம், தக்காளி ஆகியவற்றை பொடியாக நறுக்கி வைத்துக் கொள்ளவும்.
4. தேங்காய்த்துருவல், கசகசா ஆகியவற்றைச் சிறிது தண்ணீர் சேர்த்து விழுதாக அரைத்துக் கொள்ளவும்.
5. ஒரு பாத்திரத்தில் எண்ணெய் விட்டுக் காய்ந்ததும், சோம்பு, பட்டை, கருவேப்பிலை சேர்த்துத் தாளிக்கவும்.
6. அத்துடன் வெங்காயம், பூண்டு சேர்த்து பொன்னிறமாக வதக்கி, பிறகு அதில் தக்காளி சேர்த்து நன்கு வதக்கவும்.
7. அதன் பிறகு, மிளகாய்த்தூள், மல்லித்தூள் சேர்த்து பச்சை வாசனை போக வதக்கவும்.
8. பின்னர் அத்துடன் வேக வைத்த கொண்டைக் கடலை சேர்த்து, தேவையான தண்ணீர் ஊற்றி மூடி போட்டு கொதிக்க விடவும்.
9. நன்கு கொதி வந்ததும், உப்பு மற்றும் அரைத்த மசாலா சேர்த்து, தேவையெனில் மேலும் சிறிது தண்ணீர் சேர்த்து கொதிக்க வைத்து இறக்கவும்.
*****

இது முத்துக்கமலம் இணைய இதழின் படைப்பு.