1. பச்சை மொச்சைப் பயறு – 1கப்

2. தேங்காய்த் துருவல் – 1/2கப்

3. மிளகு – 1தேக்கரண்டி

4. வறுகடலை – 1தேக்கரண்டி

5. சோம்பு - 1/4 தேக்கரண்டி

6. சீரகம் – 1/4 தேக்கரண்டி

7. இஞ்சி - சிறிது

8. பூண்டு – 6 பற்கள்

9. மிளகாய்த் தூள் – 2 தேக்கரண்டி

10. கறிமசாலாத் தூள் – சிறிது

11. சின்ன வெங்காயம் – 100 கிராம்

12. தக்காளி – 100 கிராம்

13. கறிவேப்பிலை – சிறிது

14. மல்லித்தழை - சிறிது

15. எண்ணெய் – தேவையான அளவு

16. உப்பு – தேவையான அளவு.

1. வெங்காயம், தக்காளி ஆகியவற்றைச் சிறிதாக நறுக்கி வைக்கவும்.

2. தேங்காய் துருவல், மிளகு, வறுகடலை, சோம்பு, சீரகம், இஞ்சி, பூண்டு,மிளகாய்த் தூள் சேர்த்து விழுதாக அரைத்துக் கொள்ளவும்.

3. ஒரு பாத்திரத்தில் தண்ணீர் ஊற்றி, அதில் மொச்சைப் பயறைப் போட்டு நன்கு வேக வைத்துக் கொள்ளவும்.

4. ஒரு வாணலியில் எண்ணெய் ஊற்றிக் காய்ந்ததும் கறிமசால் தூள், வெங்காயம், தக்காளி, கறிவேப்பிலை சேர்த்து நன்கு வதக்கவும்.

5. பின்பு அதனுடன் வேக வைத்த மொச்சை, அரைத்த மசாலா, தேவையான தண்ணீர், உப்பு சேர்த்து நன்கு கொதி வந்தவுடன் மேலாக மல்லித்தழை சேர்த்து இறக்கிவிடவும்.

*****

இது முத்துக்கமலம் இணைய இதழின் படைப்பு.