1. காடை - 4 எண்ணம்

2. மிளகாய்த் தூள் - 3 மேசைக்கரண்டி

3. மஞ்சள்தூள் - 1/2 தேக்கரண்டி

4. இஞ்சிப் பூண்டு விழுது - 2 தேக்கரண்டி

5. கார்ன் பிளவர் மாவு - 3 மேசைக்கரண்டி

6. அரிசி மாவு - 1 மேசைக்கரண்டி

7. சிகப்பு நிறப்பொடி (உணவுக்கானது) - சிறிதளவு

8. உப்பு - தேவையான அளவு

9. எலுமிச்சை - 1 எண்ணம்

10. எண்ணெய் - தேவையான அளவு.

1. காடையை நன்கு கழுவிச் சுத்தம் செய்து கொள்ளவும்.

2. சுத்தம் செய்த காடையுடன் மிளகாய்த் தூள், மஞ்சள்தூள், இஞ்சிப் பூண்டு விழுது, கார்ன் பிளவர் மாவு, அரிசி மாவு, சிகப்பு நிறப்பொடி, உப்பு, எலுமிச்சைச் சாறு அனைத்தையும் சேர்த்து நன்கு கிளறிக் குறைந்தது ஒரு மணி நேரம் ஊற வைக்கவும்.

3. வாணலியில் எண்ணெய் ஊற்றிக் காய்ந்தவுடன் ஊற வைத்த காடையைப் போட்டு இருபுறமும் திருப்பி விட்டு நன்கு வேக வைத்து எடுக்கவும்.

*****

இது முத்துக்கமலம் இணைய இதழின் படைப்பு.