1. கோழிக்கறி – 1/2 கிலோ

2. பூண்டு – 8 பல்

3. இஞ்சி – 50 கிராம்

4. மிளகாய் வற்றல் – 5 எண்ணம்

5. சோம்பு – 2 தேக்கரண்டி

6. மிளகு – 2 தேக்கரண்டி

7. பச்சை மிளகாய் – 2 எண்ணம்

8. வெங்காயம் – 150 கிராம்

9. தக்காளி – 100 கிராம்

10. கடலை மாவு – 100 கிராம்

11. தேங்காய்த் துருவல் – 7 தேக்கரண்டி

12. கறிவேப்பிலை – சிறிது

13. எண்ணெய் - தேவையான அளவு

14. உப்பு – தேவையான அளவு.

1. கோழிக்கறியைச் சுத்தம் செய்து சிறு சிறு துண்டுகளாக்கித் தனியாகப் பாத்திரத்தில் வைக்கவும்.

2. மிளகு, மிளகாய் வற்றல், சோம்பு, கறிவேப்பிலை, தேங்காய்த்துருவல் ஆகியவற்றை எண்ணெய் விடாமல் வறுத்து ஆற வைக்கவும்.

3. ஆறிய பின்பு அதை விழுதாக அரைத்துக் கோழிக்கறியுடன் கலந்து நன்கு பிசறி வைக்கவும்.

4. அதன் பின்பு இஞ்சிப்பூண்டு விழுது, எண்ணெய் 1 மேசைக்கரண்டி, தேவையான உப்பு சேர்த்து கோழிக்கறியுடன் மீண்டும் பிசறி விட வேண்டும்.

5. கடலை மாவு, மிளகுத்தூள், தேவையான அளவு உப்பு, சிறிது தண்ணீர் தெளித்துப் பஜ்ஜி மாவு போல் தயார் செய்து கொள்ளவும்.

6. கடாயில் பொரிப்பதற்குத் தேவையான அளவு எண்ணெய் விட்டுச் சூடானதும், மசாலா கலந்து வைத்துள்ள கோழிக்கறித் துண்டுகளை கடலை மாவில் தோய்த்துப் போட்டு பொன்நிறமாகும் வரை வேக விட்டு எடுக்கவும்.

7. ஒரு வாணலியில் 1 மேசைக்கரண்டி எண்ணெய் விட்டுக் காய்ந்ததும், பொடியாக நறுக்கிய வெங்காயத்தைச் சேர்த்து பொன்நிறமாக வதக்கவும்.

8. அதனுடன் பச்சை மிளகாய், கறிவேப்பிலை, பொடியாக நறுக்கிய தக்காளி சேர்த்து, தேவையான உப்பும் சேர்த்து ஒன்றும் பாதியுமாக வதக்கி விடவும்.

9. இத்துடன் பொரித்து வைத்துள்ள கோழிக்கறித் துண்டுகளைச் சேர்த்துக் கிளறி, மல்லிதழை தூவி இறக்கவும்.

*****

இது முத்துக்கமலம் இணைய இதழின் படைப்பு.