பெப்பர் சிக்கன் வறுவல்
மாணிக்கவாசுகி செந்தில்குமார்
தேவையான பொருட்கள்:
1. சிக்கன் - 1/2 கிலோ
2. எண்ணெய் - 3 தேக்கரண்டி
3. மஞ்சள் தூள் - 1/4 தேக்கரண்டி
4. உப்பு - தேவையான அளவு
5. தயிர் - 1தேக்கரண்டி
6. இஞ்சிப் பூண்டு விழுது - 2 தேக்கரண்டி
தாளிக்க
7. மிளகாய்த்தூள் - 4 தேக்கரண்டி
8. மிளகு - 1/2 தேக்கரண்டி
9. பூண்டு - 10 பல்
10. கறிவேப்பிலை - சிறிது
அரைக்க
11. மிளகாய்த்தூள் - 3 தேக்கரண்டி
12. மிளகு - 1 1/2 தேக்கரண்டி
13. மல்லித்தூள் - 2 தேக்கரண்டி
14. சீரகம் - 1 தேக்கரண்டி.
செய்முறை:
1. சிக்கன் துண்டுகளைச் சுத்தம் செய்து கழுவி தண்ணீர் வடிகட்டிக் கொள்ளவும்.
2. ஒரு பாத்திரத்தில் சுத்தம் செய்த சிக்கன் துண்டுகளைப் போட்டு மஞ்சள் தூள், உப்பு, தயிர், இஞ்சி பூண்டு விழுது சேர்த்து பிரட்டி ஊற வைக்கவும்.
3. வாணலியில் மிளகு, சீரகம், மிளகாய்த்தூள், மல்லி ஆகியவற்றைப் போட்டு வறுக்கவும்.
4. வறுத்த பொருட்களை எடுத்து ஆற வைத்து மிக்ஸியில் போட்டு பொடி செய்து கொள்ளவும்.
5. கடாயில் எண்ணெய் ஊற்றிக் காய்ந்ததும் ஊற வைத்திருக்கும் சிக்கன் துண்டுகளைப் போட, சிக்கனை ஒரு முறை நன்கு கிளறி விட்டு மூடி வைத்து வேக விடவும்.
6. மற்றொரு சிறிய கடாயில் சிறிது எண்ணெய் ஊற்றி மிளகு, பூண்டு, மிளகாய் வற்றல், கறிவேப்பிலை போட்டுத் தாளிக்கவும்.
7. தாளித்தவற்றை சிக்கனுடன் சேர்த்து நன்கு ஒன்றாகும்படி கிளறி விடவும்.
*****

இது முத்துக்கமலம் இணைய இதழின் படைப்பு.