1. மக்ரோனி - 200 கிராம்

2. கோழிக்கறி - 250 கிராம்

3. வெங்காயம் - 4 எண்ணம்

4. தக்காளி - 4 எண்ணம்

5. பச்சைமிளகாய் - 5 எண்ணம்

6. இஞ்சிப் பூண்டு விழுது - 5 தேக்கரண்டி

7. மிளகுத்தூள் - 1 தேக்கரண்டி

8. சீரகத்தூள் - 1 தேக்கரண்டி

9. மல்லித்தூள் - 3 தேக்கரண்டி

10. மசாலாத்தூள் - 3 தேக்கரண்டி

11. நல்லெண்ணெய் - தேவையான அளவு

12. வினிகர் - 4 தேக்கரண்டி

13. தேங்காய் - அரை மூடி

14. மல்லித்தழை - சிறிது

15. உப்பு - தேவையான அளவு.

1. ஒரு பாத்திரத்தில் தண்ணீர் கொதிக்க வைத்து அதில் மக்ரோனைப் போட்டு, வெந்தவுடன் வடித்து எடுத்து தனியே வைக்கவும்.

2. வெங்காயம், பச்சைமிளகாய், தக்காளி இவைகளை நறுக்கிக் கொள்ளவும்.

3. தேங்காயைத் துருவி அரைத்து வைக்கவும்.

4. ஒரு பாத்திரத்தில் எண்ணெய் ஊற்றிக் காய்ந்தவுடன், அதில் நறுக்கிய வெங்காயம், பச்சை மிளகாய், தக்காளி போட்டு வதக்கவும்.

5. அதனுடன் இஞ்சிப் பூண்டு விழுது, வினிகர் மற்றும் கோழிக்கறியைச் சேர்த்துக் கிளறிக் கொதிக்க விடவும்.

6. பின்பு அதில் மசாலாத்தூள், மிளகுத்தூள், சீரகத்தூள், மல்லித்தூள், அரைத்து வைத்திருக்கும் தேங்காய் விழுது ஆகியவற்றைச் சேர்த்துத் தேவையான தண்ணீர் சேர்க்கவும்.

7. கறி வெந்தவுடன் அதில் வேகவைத்திருக்கும் மக்ரோனி, மல்லித்தழை சேர்த்துக் கிளறி அடுப்பில் சில நிமிடம் மட்டும் வைத்து இறக்கி விடவும்.

*****

இது முத்துக்கமலம் இணைய இதழின் படைப்பு.