சிக்கன் சுக்கா
மாணிக்கவாசுகி செந்தில்குமார்
தேவையான பொருட்கள்:
1. சிக்கன் - 1/ 2 கிலோ
2. வெங்காயம் - 4 எண்ணம்
3. இஞ்சி பூண்டு விழுது - 2 தேக்கரண்டி
4. பச்சை மிளகாய் - 2 எண்ணம்
5. கரம் மசாலாத்தூள் - 1/2 தேக்கரண்டி
6. மிளகாய்த்தூள் - 1 தேக்கரண்டி
7. மிளகுத்தூள் -1/2 தேக்கரண்டி
8. சீரகத்தூள் - 1/2 தேக்கரண்டி
9. மல்லித்தூள் - 3 தேக்கரண்டி
10. மஞ்சள் தூள் - 1 சிட்டிகை
11. எண்ணெய் - தேவையான அளவு
12. உப்பு - தேவையான அளவு
13. மல்லித்தழை - சிறிது
14. கறிவேப்பிலை - சிறிது
செய்முறை:
1. சிக்கனைச் சுத்தம் செய்து, சிறிய துண்டுகளாகப் போட்டு கழுவி நீரை வடிகட்டிக் கொள்ளவும்.
2. வெங்காயம், பச்சை மிளகாயைப் பொடியாக நறுக்கிக் கொள்ளவும்.
3. ஒரு கடாயில் எண்ணெய் விட்டுக் காய்ந்ததும், நறுக்கிய வெங்காயத்தைப் போட்டு வதக்கி, பின் அதில் பச்சை மிளகாய், கறிவேப்பிலை, இஞ்சிப் பூண்டு விழுது, கரம் மசாலா சேர்த்து வதக்கவும்.
4. இஞ்சி பூண்டு விழுது வாசம் நீங்கியவுடன் சிக்கன் சேர்த்துப் பிரட்டவும்.
5. மசாலாப் பொருட்கள் அனைத்தும் சேர்த்து, நன்கு பிரட்டி மூடி போட்டு மிதமான நெருப்பில் இருபது நிமிடம் வரை இடையிடையேக் கிளறி வேக விடவும்.
6. நன்றாகச் சிக்கன் வெந்ததும், நறுக்கிய மல்லித்தழை தூவி இறக்கவும்.
*****

இது முத்துக்கமலம் இணைய இதழின் படைப்பு.