பெப்பர் சிக்கன்
மாணிக்கவாசுகி செந்தில்குமார்
தேவையான பொருட்கள்:
1. எலும்பில்லா சிக்கன் - 500 கிராம்
2. பெரிய வெங்காயம் - 1 எண்ணம்
3. மல்லித்தூள் - 1 மேசைக்கரண்டி
4. சீரகத்தூள் - 1 மேசைக்கரண்டி
5. மிளகுத்தூள் - 2 மேசைக்கரண்டி
6. உப்பு - தேவையான அளவு
தாளிக்க
7. கடுகு - 1/2 மேசைக்கரண்டி
8. உளுந்து - 1/2 மேசைக்கரண்டி
9. கறிவேப்பில்லை - சிறிது
10. எண்ணெய் - தேவையான அளவு
செய்முறை:
1. சிக்கனை மஞ்சள் தூள் கலந்த நீரில் சிறிது நேரம் போட்டு, அரை மணி நேரம் கழித்து நன்றாகக் கழுவி மிகவும் சிறிய துண்டுகளாக நறுக்கி வைக்கவும்.
2. வெங்காயத்தை நீளமாக நறுக்கி வைக்கவும்.
3. அடுப்பில் கடாயை வைத்து எண்ணெய் ஊற்றிச் சூடானதும் கடுகு, உளுந்து, கறிவேப்பில்லை சேர்த்துத் தாளிக்கவும்.
4. அதில் நறுக்கி வைத்த வெங்காயம் சேர்த்துப் பொன்னிறமாகும் வரை வதக்கவும்.
5. அதனுடன் மல்லித்தூள், சீரகத்தூள், 1 மேசைக்கரண்டி மிளகுத்தூள் மற்றும் உப்பு சேர்த்துக் கிளறவும்.
6. பின்னர் அதில் சிக்கனைச் சேர்த்து நன்றாகக் கிளறிக் கடாயை மூடி வைக்கவும்.
7. நெருப்பைக் குறைத்து வைத்து சிக்கன் வேகும் வரை கொதிக்க விடவும். இடையிடையேக் கிளறி விடவும்.
8. சிக்கன் தண்ணீர் விடுவதால் தனியாகத் தண்ணீர் எதுவும் சேர்க்கத் தேவையில்லை.
9. சிக்கன் நன்றாக வெந்ததும் மீதமுள்ள மிளகுத்தூளைச் சேர்த்துக் கிளறி இறக்கிப் பரிமாறலாம்.
*****

இது முத்துக்கமலம் இணைய இதழின் படைப்பு.