1. எலும்பில்லாத சிக்கன் – 1/2 கிலோ

2. வெங்காயம் – 1 எண்ணம்

3. தக்காளி – 1 எண்ணம்

4. குடைமிளகாய் – 1 எண்ணம்

5. பச்சை மிளகாய் – 3 எண்ணம்

6. சோயா சாஸ் – 2 கரண்டி

7. தக்காளி சாஸ் – 1 கரண்டி

8. கார்ன் பிளவர் – 2 கரண்டி

9. இஞ்சி பூண்டு விழுது – 1 கரண்டி

10. வினிகர் – 1 கரண்டி

11. மிளகாய்த்தூள் – 2 கரண்டி

12. கரம் மசாலாத் தூள் – 1 கரண்டி

13. எண்ணெய் – தேவையான அளவு

14. உப்பு – தேவையான அளவு

1. வெங்காயம், தக்காளி, குடை மிளகாய் ஆகியவற்றை நறுக்கி வைக்கவும்.

2. சிக்கனை நன்கு சுத்தமாகக் கழுவி வைக்கவும்.

3. சிக்கனுடன் சோயா சாஸ், வினிகர், உப்பு, இஞ்சி பூண்டு விழுது சேர்த்துக் கலந்து ஊற வைக்கவும்.

4. அதனுடன் 2 கரண்டி கார்ன் பிளவர் மாவைச் சேர்த்து நன்கு பிரட்டிக் கொள்ளவும்.

5. கடாயை அடுப்பில் வைத்து, அதில் எண்ணெய் ஊற்றிக் காய்ந்ததும், சிக்கன் துண்டுகளைச் சேர்த்துப் பொன்னிறமாகப் பொரித்துத் தனியாக எடுத்து வைத்துக் கொள்ளவும்.

6. மற்றொரு கடாயில், எண்ணெயில் இஞ்சி பூண்டு விழுது, வெங்காயம் சேர்த்து நன்கு வதக்கி, பச்சை மிளகாய், குடைமிளகாய் சேர்த்து வதக்கவும்.

7. அத்துடன் தக்காளி, உப்பு சேர்த்து நன்கு மென்மையாகும் வரை வதக்கவும்.

8. அதில் மிளகாய்த்தூள், கரம் மசாலாத்தூள் சேர்த்துக் கிளறி, தக்காளி சாஸ், சோயா சாஸ், வினிகர் சேர்த்துக் கிளறி, பொரித்து வைத்துள்ள சிக்கனையும் சேர்த்து, எவ்வளவு கிரேவி வேண்டுமோ, அவ்வளவு தண்ணீர் ஊற்றி சிறிது நேரம் கொதிக்க விடவும்.

9. சிறிது நீரில் கார்ன் பிளவர் மாவைச் சேர்த்துக் கலந்து, கிரேவியுடன் ஊற்றி 2 நிமிடம் கொதிக்க விட்டு இறக்கவும்.

*****

இது முத்துக்கமலம் இணைய இதழின் படைப்பு.