1. நாட்டுக் கோழி - 1/2 கிலோ

2. சின்ன வெங்காயம் - 15 எண்ணம்

3. சீரகம் - 1 தேக்கரண்டி

4. மிளகு - 2 தேக்கரண்டி

5. பச்சை மிளகாய் - 1 எண்ணம்

6. தக்காளி - 2 எண்ணம்

7. இஞ்சி பூண்டு விழுது -2 தேக்கரண்டி

8. பட்டை - 1 துண்டு

9. லவங்கம் - 1 துண்டு

10. மிளகாய்த்தூள் - 1 தேக்கரண்டி

11. மல்லித்தூள் - 1 தேக்கரண்டி

12. மஞ்சள்தூள் - 1/2 தேக்கரண்டி

13. கருவேப்பிலை - சிறிது

14. மல்லித்தழை - சிறிது

15. உப்பு - தேவையான அளவு

16. எண்ணெய் - தேவையான அளவு

1. குக்கரில் எண்ணெய் ஊற்றிக் காய்ந்ததும், அதில் பட்டை, லவங்கம் சேர்த்து தாளித்து, நறுக்கிய வெங்காயத்தையும் சேர்த்து வதக்கவும்.

2. பின் இஞ்சி, பூண்டு விழுது சேர்த்து பச்சை வாசனை போகும் வரை வதக்கவும். பின் தக்காளி, பச்சை மிளகாய் சேர்த்து நன்கு வதக்கிக் கொள்ளவும்.

3. மிளகு, சீரகம் இரண்டையும் மிக்சியில் போட்டு பொடித்துக் கொள்ளவும்.

4. பொடித்த மிளகு, சீரகம், மிளகாய்த்தூள், தனியாத்தூள், மஞ்சள்தூள், உப்பு, கோழிக்கறி சேர்த்து நன்கு கலக்கி, தேவையான அளவு தண்ணீர் ஊற்றி 7 விசில் வரும் வரை வேக விடவும்.

5. பின் இறக்கி வைத்து கருவேப்பிலை, மல்லித்தழை தூவிப் பரிமாறவும்.

*****

இது முத்துக்கமலம் இணைய இதழின் படைப்பு.