1. கோழிக்கறி - 250 கிராம்

2. சிறிய வெங்காயம் - 100 கிராம்

3. தக்காளி - 1 எண்ணம்

4. மிளகாய் வற்றல் - 2 எண்ணம்

5. பச்சை மிளகாய் - 2 எண்ணம்

6. பட்டை - சிறிது

7.கிராம்பு - 3 எண்ணம்

8. இஞ்சி பூண்டு விழுது - 2 மேசைக்கரண்டி

9. கரம் மசாலாத் தூள் - 2 மேசைக்கரண்டி

10. சீரகத்தூள் - 2 தேக்கரண்டி

11. காஷ்மீரி மிளகாய்த் தூள் - 2 மேசைக்கரண்டி

12. மஞ்சள்தூள் - 1/4 தேக்கரண்டி

13. மிளகு - 3 தேக்கரண்டி

14. கருவேப்பிலை - சிறிது

15. மல்லித்தழை - சிறிது

16. உப்பு - தேவையான அளவு

17. எண்ணெய் - தேவையான அளவு

1. ஒரு கடாயில் எண்ணெய் ஊற்றிக் காய்ந்ததும், அதில் பட்டை, கிராம்பு, மிளகாய் வற்றல், பச்சை மிளகாய், நறுக்கிய வெங்காயம், இஞ்சி பூண்டு விழுது அனைத்தையும் பச்சை வாசனை போகும் வரை வதக்கவும்.

2. வதக்கிய பிறகு இது சீரகத்தூள் சேர்த்து பச்சை வாசனை போகும் வரை வதக்கவும்.

3. அதன் பிறகு, சுத்தம் செய்த கோழிக்கறியைச் சேர்த்து நன்கு கலந்துவிடவும்.

4. பிறகு மசாலா நன்கு கலந்த பிறகு கரம் மசாலாவைச் சேர்க்கவும்.

5. அதனுடன் காஷ்மீரி மிளகாய்த் தூளைச் சேர்க்கவும்.

6. பிறகு மிளகையும் சேர்த்து நன்கு பிரட்டி விடவும்.

7. தேவையான அளவு உப்பு சேர்த்து 2 நிமிடம் அப்படியே விடவும்.

8. சிறிதளவு தண்ணீர் ஊற்றி கோழிக்கறி வேகும் வரை சமைக்கவும்.

9. கோழிக்கறி நன்கு வெந்த பிறகு, தண்ணீர் எல்லாம் வற்றி நன்கு கிரேவி பதத்திற்கு வந்த பிறகு மல்லித்தழை கருவேப்பிலை சேர்த்து நன்கு கலந்து விட்டு இறக்கவும்.

*****

இது முத்துக்கமலம் இணைய இதழின் படைப்பு.