நண்டு குழம்பு
மாணிக்கவாசுகி செந்தில்குமார்
தேவையான பொருட்கள்:
1. நண்டு – 1 கிலோ
2. மிளகாய்த்தூள் – 5 தேக்கரண்டி
3. கரம் மசாலாத்தூள் – 2 தேக்கரண்டி
4. மஞ்சள் தூள் – 1 தேக்கரண்டி
5. சோம்பு – 3 தேக்கரண்டி
6. கடலைப்பருப்பு - 1 தேக்கரண்டி
7. தேங்காய் – 1 எண்ணம்
8. தக்காளி – 5 எண்ணம்
9. சின்ன வெங்காயம் – 250 கிராம்
10. பச்சை மிளகாய் – 10 எண்ணம்
11. இஞ்சி பூண்டு விழுது – 2 மேசைக்கரண்டி
12. கறிவேப்பிலை- சிறிது
13. மல்லித்தழை - சிறிது
14. எண்ணெய் - தேவையான அளவு
15. உப்பு -தேவையான அளவு
செய்முறை:
1. வாணலியில் சிறிது எண்ணெய் ஊற்றிக் காய்ந்ததும், அதில் நறுக்கிய வெங்காயம், பச்சை மிளகாய் மற்றும் தக்காளியைப் போட்டு லேசாக வதக்கி ஆற வைக்கவும்.
2. வதக்கியவற்றை மிக்சியில் போட்டு அரைத்துக் கொள்ளவும்.
3. கடலைப் பருப்பையும் வறுத்து எடுத்து, துருவியத் தேங்காயுடன் சேர்த்து அரைத்துக் கொள்ளவும்.
4. ஒரு பாத்திரத்தை அடுப்பில் வைத்து, எண்ணெய் ஊற்றிக் காய்ந்ததும், அதில் சோம்பு, கறிவேப்பிலை சேர்த்துத் தாளிக்கவும்.
5. அதில் சுத்தம் செய்த நண்டு, இஞ்சிப் பூண்டு விழுது, மிளகாய்த்தூள், கரம் மசாலாத்தூள், மஞ்சள் தூள், வெங்காயம், தக்காளி அரைத்த விழுது சேர்க்கவும்.
6. நண்டு நனையும் அளவிற்கு தண்ணீர் ஊற்றி வேகவிடவும்.
7. நண்டு வெந்ததும் தேவையான உப்பு மற்றும் தேங்காய் விழுது சேர்த்து மேலும் இரண்டு நிமிடம் வேகவைத்து இறக்கவும்.
8. கடைசியாக, மல்லித்தழை தூவிப் பரிமாறலாம்.
*****

இது முத்துக்கமலம் இணைய இதழின் படைப்பு.