முட்டை - தக்காளி மசாலா
மாணிக்கவாசுகி செந்தில்குமார்
தேவையான பொருட்கள்:
1. முட்டை - 4 எண்ணம்
2. இஞ்சிப் பூண்டு விழுது - 1 தேக்கரண்டி
3. தக்காளி - 250 கிராம்
4. வெங்காயம் - 2 எண்ணம்
5. ஏலக்காய் - 1 எண்ணம்
6. பட்டை - சிறிது
7. கிராம்பு - 1 எண்ணம்
8. மிளகாய்த்தூள் - 2 தேக்கரண்டி
9. மஞ்சள் தூள் - 1/4 தேக்கரண்டி
10. கரம் மசாலாத்தூள் - 1/2 தேக்கரண்டி
11. நல்லெண்ணெய் - தேவையான அளவு
12. மல்லித்தழை - சிறிது
13. உப்பு - தேவையான அளவு.
செய்முறை:
1. முட்டையை வேக வைத்து இரண்டாக நறுக்கி வைக்கவும்.
2. ஒரு பாத்திரத்தில் எண்ணெய் ஊற்றிக் காய்ந்ததும், அதில் ஏலக்காய், பட்டை, கிராம்பைப் போட்டுத் தாளிக்கவும்.
3. அதனுடன் இஞ்சிப் பூண்டு விழுதைச் சேர்த்து வதக்கவும்.
4. அதன் பிறகு அதில் வெங்காயத்தைப் போட்டு சிவக்க வதக்கவும்.
5. அத்துடன் தக்காளியைப் போட்டு நன்கு வதக்கவும்.
6. அனைத்தும் வதங்கியதும் உப்பு, மிளகாய், மஞ்சள் தூள், கரம் மசாலாத்தூள் போட்டு மிதமான நெருப்பில் குறைத்து வேகவிடவும்.
7. எல்லாம் வெந்து சுருண்டதும் அவித்த முட்டையைப் போட்டுக் கிளறி இறக்கவும்.
*****

இது முத்துக்கமலம் இணைய இதழின் படைப்பு.