முட்டை வறுவல்
மாணிக்கவாசுகி செந்தில்குமார்
தேவையான பொருட்கள்:
1. முட்டை - 3 எண்ணம்
2. தக்காளி - 1 எண்ணம்
3. வெங்காயம் - 1 எண்ணம்
4. மிளகாய்த்தூள் - 1 தேக்கரண்டி
5. மஞ்சள்தூள் - 1/4 தேக்கரண்டி
6. எண்ணெய் - 1 தேக்கரண்டி
7. கடுகு - 1 தேக்கரண்டி
8. உப்பு - தேவையான அளவு
9. மல்லித்தழை - சிறிது.
செய்முறை:
1. முட்டையைத் தண்ணீர் சேர்த்து வேகவைத்து ஓட்டை நீக்கி எடுத்து வைத்துக் கொள்ளவும்.
2. வெங்காயம், தக்காளியைப் பொடியாக நறுக்கி வைக்கவும்.
3. ஒரு கடாயில் எண்ணெய் விட்டுக் காய்ந்ததும், கடுகு போட்டு வெடித்ததும் வெங்காயத்தைப் போட்டு பொன்னிறமாக வதக்கவும்.
4. பின் தக்காளி, உப்பு சேர்த்து வதக்கவும்.
5. அதனுடன் மிளகாய்த்தூள், மஞ்சள்தூள் சிறிது தண்ணீர் சேர்த்து நன்றாக பச்சை வாசணை போக வதக்கவும்.
6. அதில் வேகவைத்திருக்கும் முட்டைகளை நீளவாக்கில் இரு துண்டுகளாக வெட்டி, இந்தக் கலவையில் சேர்த்து முட்டை உடைந்து விடாமல் மசாலா நன்றாகக் கலக்கும்படி கிளறி விடவும்.
7. கடைசியாக மல்லித்தழை தூவி இறக்கவும்.
*****

இது முத்துக்கமலம் இணைய இதழின் படைப்பு.