1. நெத்திலி மீன் - 250 கிராம்

2. தேங்காய் - 1/2 மூடி

3. பச்சை மிளகாய் - 6 எண்ணம்

4. சின்ன வெங்காயம் - 8 எண்ணம்

5. சீரகம் - 1 தேக்கரண்டி

6. புளிக்கரைசல் - 2 தேக்கரண்டி

7. கருவேப்பிலை - சிறிது

8. மஞ்சள் தூள் - 1/2 தேக்கரண்டி

9. உப்பு - தேவையான அளவு

10. எண்ணெய் - தேவையான அளவு

1. தேங்காயைச் சிறு துண்டுகளாக நறுக்கி மிக்ஸியில் சேர்க்கவும். அதனுடன் சீரகம், பச்சை மிளகாய் சேர்த்து கொரகொரப்பாக அரைக்கவும்.

2. பிறகு மஞ்சள் தூள் மற்றும் சின்ன வெங்காயம் சேர்த்து ஒன்றும் பாதியுமாக அரைத்து எடுக்கவும்.

3. ஒரு பாத்திரத்தில் சுத்தம் செய்து வைத்துள்ள நெத்திலி மீனைச் சேர்த்து, அதில் அரைத்து வைத்திருக்கும் கலவையைச் சேர்க்கவும்.

4. அத்துடன் கருவேப்பிலை, புளிக்கரைசல், தேவையான அளவு உப்பு சேர்த்துக் கலந்து அடுப்பில் வைத்து இரண்டு நிமிடங்கள் வேக விடவும்.

5. எண்ணெய் ஊற்றி மூடி போட்டு மேலும் ஐந்து நிமிடங்கள் வேக விட்டுப் பின்னர் பரிமாறலாம்.

*****

இது முத்துக்கமலம் இணைய இதழின் படைப்பு.