1. மீன் – 1 கிலோ

2. முருங்கைக்காய் – 1 எண்ணம்

3. சின்ன வெங்காயம் – 200 கிராம்

4. பூண்டு – 10 பல்

5. தக்காளி – 4 எண்ணம்

6. பச்சைமிளகாய் – 5 எண்ணம்

7. மஞ்சள்தூள் – 1/2 தேக்கரண்டி

8. மிளகாய்த்தூள் – 3 தேக்கரண்டி

9. மல்லித்தூள் – 4 தேக்கரண்டி

10. புளி – எலுமிச்சை அளவு

11. வெந்தயம் – 1/2 தேக்கரண்டி

12. சீரகம் – 1/2 தேக்கரண்டி

13. சோம்பு – 1/2 தேக்கரண்டி

14. எண்ணெய் – தேவையான அளவு

15. உப்பு – தேவையான அளவு

16. கறிவேப்பிலை - சிறிது

17. மல்லித்தழை – சிறிது.

1. மீனைச் சுத்தம் செய்து அதில் மஞ்சள்தூள் தடவி வைக்கவும்.

2. முருங்கைக்காயைச் சிறிய துண்டுகளாக நறுக்கி வைக்கவும்.

3. புளியைச் சிறிது தண்ணீரில் கரைத்து வைக்கவும்.

4. ஒரு வாணலியில் எண்ணெய் விட்டுக் காய்ந்ததும், அதில் வெந்தயம், சீரகம், சோம்பு போட்டுத் தாளிக்கவும்.

5. தாளிசத்துடன் வெங்காயம், பச்சை மிளகாய், பூண்டு மூன்றையும் சேர்த்து நன்கு வதக்கவும்.

6. அதன் பிறகு தக்காளி சேர்த்து நன்கு வதக்கவும்.

7. அதனுடன் முருங்கைக்காய்த் துண்டுகளைப் போட்டு வதக்கவும்.

8. அத்துடன் மஞ்சள்தூள், மிளகாய்த்தூள், மல்லித்தூள் சேர்த்து பச்சை வாசனை போகும் வரை நன்கு வதக்கவும்.

9. கரைத்து வைத்திருக்கும் புளிக் கரைசலை ஊற்றித் தேவையான உப்பு சேர்த்து நன்கு கொதிக்கவிடவும்.

10. முருங்கைக்காய் வெந்து குழம்பு பக்குவத்திற்கு வந்தவுடன் மீனைப் போட்டு ஒரு கொதி வந்தவுடன் இறக்கவும்.

11. இறக்கி வைத்த குழம்பில் மல்லித்தழை தூவிப் பரிமாறவும்.

*****

இது முத்துக்கமலம் இணைய இதழின் படைப்பு.