1. திருக்கை மீன் - 1/2 கிலோ

2. சின்ன வெங்காயம் - 20 எண்ணம்

3. தக்காளி - 1 எண்ணம்

4. பூண்டு - 10 பற்கள்

5. புளி - நடுத்தரமான எலுமிச்சை அளவு

6. நல்லெண்ணெய் - 5 மேசைக்கரண்டி

7. வெந்தயம் - 1 தேக்கரண்டி

8. மஞ்சள்தூள் - 1/2 தேக்கரண்டி

9. கறிவேப்பிலை - சிறிது

அரைக்க:

10. மிளகு - 3 மேசைக்கரண்டி

11. மல்லித்தூள் - 4 மேசைக்கரண்டி

12. தேங்காய்த் துருவல் - 2 மேசைக்கரண்டி

13. கல் உப்பு - தேவையான அளவு.

1. தக்காளி, வெங்காயம், பூண்டு ஆகியவற்றைப் பொடியாக நறுக்கி வைக்கவும்.

2. புளியைச் சிறிது தண்ணீர் ஊற்றி ஊற வைத்துக் கரைத்துக் கொள்ளவும்.

3. அரைக்கக் கொடுத்துள்ள பொருட்களைச் சிறிது தண்ணீர் விட்டு விழுதாக அரைத்துக் கொள்ளவும்.

4. அரைத்த விழுதைப் புளிக்கரைசலுடன் கலந்து தனியாக வைத்துக் கொள்ளவும்.

5. ஒரு வாணலியில் எண்ணெய் ஊற்றிக் காய்ந்ததும், அதில் வெந்தயம், சின்ன வெங்காயம், பூண்டு, தக்காளி ஆகியவற்றை ஒன்றன் பின் ஒன்றாக நிறம் மாற வதக்கவும்.

6. அத்துடன் மஞ்சள்தூள், உப்பு மற்றும் கறிவேப்பிலை சேர்த்து வதக்கவும்.

7. அதில் புளிக்கரைசல், விழுது, தண்ணீர் சேர்த்துக் கொதிக்க வைக்கவும்.

8. நன்கு கொதி வந்தவுடன் கழுவி வைத்துள்ள மீன் துண்டுகளைச் சேர்த்து மிதமான நெருப்பில் கொதிக்க விட்டு இறக்கிப் பரிமாறலாம்.

*****

இது முத்துக்கமலம் இணைய இதழின் படைப்பு.