இறால் மசாலா
மாணிக்கவாசுகி செந்தில்குமார்
தேவையான பொருட்கள்:
1. இறால் – 1/2 கிலோ
2. வெங்காயம் – 2 எண்ணம்
3. இஞ்சி, பூண்டு விழுது – 2 தேக்கரண்டி
4. மிளகு – 1/2 தேக்கரண்டி
5. சீரகம் – 1/2 தேக்கரண்டி
6. சோம்பு – 1/4 தேக்கரண்டி
7. கசகசா – 1/4 தேக்கரண்டி
8. மிளகாய்த்தூள் – 1/2 தேக்கரண்டி
9. மல்லித்தூள் – 1/2 தேக்கரண்டி
10. மஞ்சள் தூள் – 1/2 தேக்கரண்டி
11. உப்பு – தேவையான அளவு
12. எண்ணெய் – தேவையான அளவு
செய்முறை:
1. இறால் மீனை நன்கு சுத்தமாகக் கழுவி வைக்கவும்.
2. பின்பு அந்த இறால் மீனை ஒரு பாத்திரத்தில் போட்டு, அதில் மிளகாய்த்தூள், மஞ்சள் தூள், மல்லித்தூள் மற்றும் உப்பு சேர்த்து பிசைந்து அரை மணிநேரம் வரை ஊற வைத்துக் கொள்ளவும்.
3. பின்பு நறுக்கிய வெங்காயத்தில் பாதியளவு, சோம்பு, சீரகம், கசகசா, மிளகு போட்டு விழுதாக அரைத்துக் கொள்ளவும்.
4. ஒரு வாணலியில் எண்ணெய் ஊற்றிக் காய்ந்ததும், அதில் நறுக்கி வைத்த வெங்காயத்தில் மீதமுள்ளதைப் போட்டுப் பொன்னிறமாக வதக்கவும்.
5. பிறகு அதில் அரைத்து வைத்துள்ள மசாலாவைப் போட்டுச் சிறிது தண்ணீர் ஊற்றி இலேசாகக் கொதிக்க விடவும்.
6. பின்பு, அதில் ஊற வைத்துள்ள இறாலைப் போட்டு, இறால் வேகும் வரை அடுப்பில் வைத்துக் கொதிக்க விடவும்.
7. மசாலா சற்று கெட்டியானதும் இறக்கிப் பரிமாறவும்.
*****

இது முத்துக்கமலம் இணைய இதழின் படைப்பு.