1. விரால் மீன் – 1/2 கிலோ

2. மிளகாய் வற்றல் – 20 எண்ணம்

3. மல்லி - 8 தேக்கரண்டி

4. சோம்பு – 1 தேக்கரண்டி

5. புளி – 50 கிராம்

6. பூண்டு – 10 பல்

7. சின்ன வெங்காயம் – 15 எண்ணம்

8. நாட்டுத் தக்காளி – 3 எண்ணம்

9. கடுகு - 1/2 தேக்கரண்டி

10. வெந்தயம் - 1/2 தேக்கரண்டி

11. எண்ணெய் - தேவையான அளவு

12. உப்பு – தேவையான அளவு

1. புளியைச் சிறிது தண்ணீர் ஊற்றிக் கரைத்து வைக்கவும்.

2. ஒரு வாணலியைக் காய வைத்து அதில் மிளகாய் வற்றல், மல்லி, சோம்பு போட்டு இலேசாக வறுத்து ஆற வைத்து விழுதாக அரைத்து வைக்கவும்.

3. ஒரு வாணலியில் எண்ணெய் விட்டுக் காய்ந்ததும், அதில் பிறகு கடுகு, வெந்தயம் போட்டுத் தாளிக்கவும்.

4. தாளிசத்துடன் பொடியாக நறுக்கிய வெங்காயம், பூண்டு போட்டு நன்றாக வதக்கவும்.

5. அதனுடன் தக்காளி சேர்த்து வதக்கவும்.

6. அதில் அரைத்த விழுதைக் கலந்து, உப்பு சேர்த்து வதக்கவும்.

7. அத்துடன் சுத்தம் செய்து வைத்திருக்கும் மீன், புளிக்கரைசல், தண்ணீர் ஊற்றிக் கொதிக்கவிடவும்.

8. மீன் பச்சை வாசனை போன பிறகு, அதில் கறிவேப்பிலை, மல்லித்தழை போட்டு மூடி விடவும்.

9. மீன் வெந்த பிறகு இறக்கவும்.

*****

இது முத்துக்கமலம் இணைய இதழின் படைப்பு.