நெத்திலி மீன் குழம்பு
மாணிக்கவாசுகி செந்தில்குமார்
தேவையான பொருட்கள்:
1. நெத்திலி மீன் – 1/2 கிலோ
2. வெங்காயம் – 100 கிராம்
3. தக்காளி – 100 கிராம்
4. இஞ்சி – சிறுதுண்டு
5. பூண்டு – 6 பல்
6. புளி – எலுமிச்சையளவு
7. மல்லித்தூள் – 2 தேக்கரண்டி
8. மிளகாய்த்தூள் – 2 தேக்கரண்டி
9. கடுகு – 1/2 தேக்கரண்டி
10. சீரகம் – 1 தேக்கரண்டி
11. கறிவேப்பலை – சிறிதளவு
12. உப்பு - தேவையான அளவு
13. எண்ணெய் – தேவையான அளவு
செய்முறை:
1. வெங்காயம், தக்காளியை நறுக்கி வைத்துக் கொள்ளவும்.
2. புளியைச் சிறிது தண்ணீரில் கரைத்து வைக்கவும்.
3. நெத்திலி மீனைச் சுத்தம் செய்து மஞ்சள் தூள், உப்பு சேர்த்து சிறிது நேரம் ஊற வைக்கவும்.
4. இஞ்சி, பூண்டை தட்டி வைத்துக் கொள்ளவும்.
5. ஒரு பாத்திரதில் எண்ணெய் ஊற்றிச் சூடானதும் கடுகு, சீரகம், கறிவேப்பிலை சேர்த்துத் தாளிக்கவும்.
6. வெங்காயம், தக்காளி இவற்றை ஒன்றன் பின்ஒன்றாகச் சேர்த்து வதக்கவும்.
7. தட்டிய இஞ்சி, பூண்டு சேர்த்து வதங்கிய பின் புளிக்கரைச்சலை ஊற்றவும்.
8. மிளகாய் தூள், மல்லித்தூள், போதுமான உப்பு சேர்த்து, புளிநீர் கொதித்ததும் நெத்திலியைப் போட்டுச் சில நிமிடங்கள் வைத்திருந்து இறக்கவும்.
*****

இது முத்துக்கமலம் இணைய இதழின் படைப்பு.