1. கட்லா மீன் – 1 கிலோ

2. நல்லெண்ணெய் – 2 தேக்கரண்டி

3. கடுகு – 1/2 தேக்கரண்டி

4. வெந்தயம் – 1/2 தேக்கரண்டி

5. சீரகம் – 1/4 தேக்கரண்டி

6. மிளகாய் வற்றல் – 2 எண்ணம்

7. கறிவேப்பிலை – சிறிதளவு

8. இஞ்சி – சிறு துண்டு

9. பச்சை மிளகாய் – 2 எண்ணம்

10. பூண்டு – 10 பல்

11. சின்ன வெங்காயம் – 10 எண்ணம்

12. மஞ்சள் தூள் – 1/4 தேக்கரண்டி

13. மிளகாய்த்தூள் – 2 தேக்கரண்டி

14. மல்லித்தூள் – 3 தேக்கரண்டி

15. புளி – எலுமிச்சை அளவு

16. தக்காளி – மூன்று எண்ணம்

17. உப்பு – தேவையான அளவு

18. தேங்காய் – 1 மூடி

19. மல்லித்தழை – சிறிது

1. ஒரு கடாயில் நல்லெண்ணெய் ஊற்றிக் காய்ந்ததும், அதில் கடுகு, வெந்தயம், சீரகம், காய்ந்த மிளகாய், கறிவேப்பிலை சேர்த்துத் தாளிக்கவும்.

2. அதனுடன் இஞ்சித் துருவல், நறுக்கிய பச்சை மிளகாய், வெங்காயம், பூண்டு சேர்த்து நன்றாக வதக்கவும்.

3. பின்னர் அதில் மிளகாய்த்தூள், மல்லித்தூள், மஞ்சள் தூள் சேர்த்துக் கிளறவும்.

4. அதனுடன் புளிக் கரைசல், தண்ணீர் சேர்த்துக் கொதிக்கவிடவும்.

5. அதனுடன் தக்காளியை விழுதாக அரைத்து ஊற்றி, உப்பு சேர்த்துக் கொதிக்கவிடவும்.

6. பின்னர் அதில் சுத்தம் செய்து வைத்திருக்கும் மீன் துண்டுகள் சேர்த்துக் கொதிக்க விடவும்.

7. கடைசியாகக் குழம்பில் தேங்காய்ப் பால் சேர்த்து சில நிமிடங்கள் கொதிக்கவிட்டு, மல்லித்தழை தூவி இறக்கவும்.

*****

இது முத்துக்கமலம் இணைய இதழின் படைப்பு.