மீன் மிளகு வறுவல்
மாணிக்கவாசுகி செந்தில்குமார்
தேவையான பொருட்கள்:
1. மீன் - 1/2 கிலோ
2. மிளகு - 2 தேக்கரண்டி
3. சீரகம் - 2 தேக்கரண்டி
4. சோம்பு - 1 தேக்கரண்டி
5. இஞ்சி - 1 துண்டு
6. பூண்டு - 8 பல்
7. எலுமிச்சை - 1 எண்ணம்
8. உப்பு - தேவையான அளவு
9. எண்ணெய் - தேவையான அளவு
10. சோள மாவு - 1 தேக்கரண்டி
செய்முறை:
1. மீனை நன்கு சுத்தம் செய்து கழுவி, மெலிதாக நறுக்கி வைக்கவும்.
2. மிளகு, சீரகம், சோம்பை வறுத்து நைசாக அரைக்கவும்.
3. இஞ்சி, பூண்டையும் நன்கு அரைத்து வைக்கவும்.
4. ஒரு பாத்திரத்தில் கழுவிய மீனைப் போட்டு, அதில் அரைத்த மிளகு, சீரகம், சோம்பு, இஞ்சிப் பூண்டு விழுது, எலுமிச்சைச் சாறு, உப்பு, சோளமாவு சேர்த்துப் பிசையவும்.
5. பின்னர் அதனை, அப்படியே ஒரு மணி நேரம் குளிர்பதனப் பெட்டியில் வைக்கவும்.
6. அடுப்பில் ஒரு கடாயை வைத்து எண்ணெய் ஊற்றிக் காய்ந்ததும், அதில் மீன் துண்டுகளை ஒவ்வொன்றாய்ப் போடவும். தீயைச் சீராக எரிய விடவும்.
7. மீன் துண்டுகளை ஒவ்வொன்றாய் நகர்த்தி விடவும். மீனில் ஒட்டியுள்ள மசாலா சிவந்து ஒரு பக்கம் வெந்ததும், மெதுவாக உடையாமல் அப்படியே புரட்டிப் போடவும்.
8. இரு பக்கமும் நன்கு வெந்து சிவந்ததும் மீனை எடுத்து விடவும்.
*****

இது முத்துக்கமலம் இணைய இதழின் படைப்பு.