1. சாளை மீன் - 12 எண்ணம்

2. மஞ்சள்தூள் - 1/2 தேக்கரண்டி

3. புளி - நெல்லிக்காய் அளவு

4. உப்பு - தேவையான அளவு

வறுத்து அரைக்க

5. மிளகாய் வத்தல் - 3 எண்ணம்

6. தனியா - 3 மேஜைக்கரண்டி

7. சீரகம் - 1 தேக்கரண்டி

8. மிளகு-1 தேக்கரண்டி

9. தேங்காய்த்துருவல் - 4 மேசைக்கரண்டி

10. கறிவேப்பிலை - சிறிது

தாளிக்க

11. எண்ணெய் - 3 மேசைக்கரண்டி

12. கடுகு -1/2 தேக்கரண்டி

13. உளுந்தம்பருப்பு -1/2 தேக்கரண்டி

14. வெந்தயம் -1/2 தேக்கரண்டி

15. வெங்காயம் -1/4 எண்ணம்

16. கறிவேப்பிலை - சிறிது

1. மீனைச் சுத்தமாகக் கழுவி வைக்கவும்.

2. புளியை ஒரு கப் தண்ணீரில் ஊற வைத்து கரைத்துக் கொள்ளவும்.

3. அடுப்பில் கடாயை மிதமான சூட்டில் வைத்து, மிளகாய் வத்தல், கொத்தமல்லி, மிளகு எல்லாவற்றையும் சேர்த்து லேசாக வறுத்து அடுப்பை அணைக்கவும்.

4. வறுத்த பொருட்களுடன் சீரகம், தேங்காய்த் துருவல், கறிவேப்பிலை சேர்த்துக் கிளறி சிறிது நேரம் ஆற விடவும்.

5. நன்றாக ஆறிய பின் மிக்சியில் அரைத்துக் கொள்ளவும்.

6. அதேக் கடாயை அடுப்பில் வைத்து எண்ணெய் ஊற்றிக் காய்ந்ததும் கடுகு, உளுந்தம் பருப்பு போட்டுத் தாளிக்கவும்.

7. கடுகு வெடித்தவுடன் வெங்காயம் சேர்த்து வதக்கவும்.

8. வெங்காயம் நல்ல பொன்னிறமானதும் கறிவேப்பிலை, வெந்தயம் சேர்த்துத் தாளித்து கரைத்து வைத்துள்ள புளித்தண்ணீரை ஊற்றவும்.

9. புளித் தண்ணீர் கொதித்தவுடன் அரைத்து வைத்துள்ள மசாலா, உப்பு, மஞ்சள் தூள் எல்லாவற்றையும் சேர்த்து நன்றாகக் கொதிக்க விடவும்.

10. மசாலா வாடை போனதும், மீன்களைச் சேர்த்து வேக விடவும். ஐந்து நிமிடம் கழித்து அடுப்பை அணைத்து இறக்கி வைக்கவும்.

*****

இது முத்துக்கமலம் இணைய இதழின் படைப்பு.