எலும்புக் குழம்பு
மாணிக்கவாசுகி செந்தில்குமார்
தேவையான பொருட்கள்:
1. ஆட்டு எலும்பு – 500 கிராம்
2. துவரம் பருப்பு – 100 கிராம்
3. உருளைக்கிழங்கு – 200 கிராம்
4. கத்திரிக்காய் – 150 கிராம்
5. முருங்கைக்காய் – 2 எண்ணம்
6. சின்ன வெங்காயம் – 100 கிராம்
7. பெரிய வெங்காயம் – 100 கிராம்
8. தக்காளி – 250 கிராம்
9. பச்சை மிளகாய் – 10 எண்ணம்
10. மிளகாய் வற்றல் – 10 எண்ணம்
11. சீரகம் – 1தேக்கரண்டி
12. மிளகு – 1தேக்கரண்டி
13. சோம்பு – 1தேக்கரண்டி
14. பட்டை – 4 துண்டு
15. பிரியாணி-இலை – 1எண்ணம்
16. மஞ்சள் தூள் – 1 தேக்கரண்டி
17. சாம்பார் தூள் – 2 தேக்கரண்டி
18. எண்ணெய் – தேவையான அளவு
19. உப்பு - தேவையான அளவு
20. மல்லித்தழை - சிறிது.
செய்முறை:
1. ஒரு பாத்திரத்தில் ஆட்டு எலும்பு, துவரம் பருப்பு, மஞ்சள்தூள், உப்பு ஆகியவற்றுடன் தண்ணீர் சேர்த்து வேக வைக்கவும்.
2. ஒரு கடாயில் எண்ணெய் ஊற்றிக் காய்ந்ததும் சீரகம்,சோம்பு, பட்டை, பிரியாணி இலை, பச்சைமிளகாய், மிளகாய் வற்றல் என ஒவ்வொன்றாகச் சேர்த்து நன்கு வதக்கவும்.
3. அதனுடன் 2 வெங்காயம் , தக்காளி சேர்த்து வதக்கவும்.
4. அதில் கத்திரிக்காய், முருங்கைக்காய், உருளைக்கிழங்கு சேர்த்து நன்கு வதக்கி அதனுடன் சாம்பார் தூள் சேர்த்து வதக்கவும்.
5. காய் அனைத்தும் நன்றாக வதங்கியதும், அதில் வேகவைத்த ஆட்டு எலும்புக் கலவையை ஊற்றித் தேவையான அளவு உப்பு சேர்த்து நன்கு வேகவைக்கவும்.
6. நன்றாக வெந்ததும், மல்லித்தழை தூவி இறக்கவும்.
*****

இது முத்துக்கமலம் இணைய இதழின் படைப்பு.