1. மட்டன் – 1/2 கிலோ

2. சின்ன வெங்காயம் – 100 கிராம்

3. பூண்டு - 10 பல்

4. இஞ்சிப் பூண்டு விழுது – 2 தேக்கரண்டி

5. தக்காளி – 1 எண்ணம்

6. மஞ்சள் தூள் – 1/2 தேக்கரண்டி

7. மிளகாய்த் தூள் – 1 மேசைக்கரண்டி

8. மல்லித் தூள் – 2 மேசைக்கரண்டி

9. தேங்காய்த் துருவல் – 2 மேசைக்கரண்டி

10. உப்பு – தேவையான அளவு

தாளிக்க

11. சோம்பு – 1/2 தேக்கரண்டி

12. பட்டை – சிறிதளவு

13. கிராம்பு – 2 எண்ணம்

14. கறிவேப்பிலை – சிறிது

15. எண்ணெய் – தேவையான அளவு

1. முதலில் மட்டனை நன்கு சுத்தமாகக் கழுவித் தனியாக வைத்துக் கொள்ளவும்.

2. ஒரு குக்கரை அடுப்பில் வைத்து, எண்ணெய் ஊற்றிக் காய்ந்தத்ம், அதில் கறியைப் போட்டு, சிறிதளவு வதக்கி விட்டு அதனுடன் வெங்காயம் போட்டு இஞ்சி பூண்டு விழுது, மஞ்சள் தூள், மிளகாய்த்தூள், மல்லித்தூள் உப்பு சேர்த்து நன்கு நிறம் மாறும் வரைக் கிளறி விடவும்.

3. பின்பு அதில் தேவையான அளவு தண்ணீரை ஊற்றி, ஐந்து விசில் விட்டு இறக்கிக் கொள்ளவும்.

4. பிறகு ஒரு கடாயை அடுப்பில் வைத்து, அதில் எண்ணெய் ஊற்றிக் காய்ந்ததும், அதில் தாளிப்பதற்குக் கொடுத்துள்ள பொருட்களைச் சேர்த்துத் தாளித்து, பூண்டு சேர்த்துப் பொன்னிறமாக வதக்கவும்.

5. பின், அதில் தக்காளி சேர்த்து, பச்சை வாசனை போக நன்கு வதக்கி, அதனுடன் வேக வைத்த மட்டனை நீருடன் சேர்த்து நன்கு கிளறி விடவும்.

6. மட்டனில் உள்ள தண்ணீர் வற்றியதும், அதில் தேங்காய்த் துருவல் சேர்த்து, நன்கு கிளறி இறக்கவும்.

*****

இது முத்துக்கமலம் இணைய இதழின் படைப்பு.