மட்டன் கிரேவி
ராஜேஸ்வரி மணிகண்டன்
தேவையான பொருட்கள்:
1. மட்டன் – 1/2 கிலோ
2. மஞ்சள் தூள் – 1/4 தேக்கரண்டி
3. மிளகாய்த்தூள் – 1 / 2 தேக்கரண்டி
4. மிளகுத்தூள் – 2 தேக்கரண்டி
5. பெரிய வெங்காயம் – 2 எண்ணம்
6. தக்காளி – 1 எண்ணம்
7. இஞ்சி பூண்டு விழுது – 1 தேக்கரண்டி
8. மல்லித்தழை – சிறிது
9. கருவேப்பிலை – சிறிது
10. எண்ணெய் – 4 தேக்கரண்டி
11. உப்பு – தேவையான அளவு
வறுத்து அரைத்துக் கொள்ள:
12. ஏலக்காய் – 2 எண்ணம்
13. பட்டை – 1 எண்ணம்
14. கிராம்பு – 2 எண்ணம்
15. சோம்பு – 1 / 2 தேக்கரண்டி
16. கடுகு – 1 / 2 தேக்கரண்டி
17. மல்லி – 1 தேக்கரண்டி
18. மிளகு – 5 எண்ணம்
19. சீரகம் – 1 தேக்கரண்டி
செய்முறை:
1. வெங்காயம், தக்காளி ஆகியவற்றைப் பொடியாக நறுக்கி வைக்கவும்.
2. வறுத்து அரைத்துக் கொள்ளக் கொடுத்துள்ளவற்றை வறுத்து அரைத்துக் கொள்ளவும்.
2. குக்கரில் தண்ணீர் ஊற்றி மட்டன், உப்பு மற்றும் மஞ்சள் தூள் கலந்து 6 விசில் வரும் வரை வேக வைக்கவும்.
3. வேகவைத்த தண்ணீரைத் தனியாக எடுத்து வைத்துக் கொள்ளவும்.
4. ஒரு கடாயில் எண்ணெய் விட்டுக் காய்ந்ததும், கருவேப்பிலை மற்றும் வெங்காயத்தைப் பொன் நிறமாகும் வரை வதக்கவும்.
5. இஞ்சிப் பூண்டு விழுது, மிளகாய்த் தூள் மற்றும் மிளகுத் தூள் சேர்த்து ஒரு நிமிடம் வதக்கவும்.
6. தக்காளி மற்றும் மட்டன் சேர்த்து, தக்காளி மென்மையாகும் வரை அதிக வெப்பத்தில் வதக்கவும்.
7. உப்பு மற்றும் அரைத்து வைத்தவைகளைச் சேர்த்து மிதுவான வெப்பத்தில் ஐந்து நிமிடம் வதக்கவும்.
8. மட்டன் வேகவைத்த தண்ணீரைச் சேர்த்து மிதுவான வெப்பத்தில் நன்கு கொதிக்க விடவும்.
9. குழம்பு கெட்டியாக ஆன பிறகு மிளகுத்தூள் சேர்த்து நன்கு கலக்கவும்.
10. இறக்கிய பின்னர் மேலே சிறிது மல்லித்தழை தூவி இறக்கவும்.
*****

இது முத்துக்கமலம் இணைய இதழின் படைப்பு.