1. மட்டன் – 1/2 கிலோ

2. வெங்காயம் – 2 எண்ணம்

3. தக்காளி – 2 எண்ணம்

4. மஞ்சள்தூள் – 1/2 தேக்கரண்டி

5. சின்ன வெங்காயம் – 100 கிராம்

6. இஞ்சி பூண்டு விழுது – 1/2 கரண்டி

7. எண்ணெய் – தேவையான அளவு

8. உப்பு – தேவையான அளவு

மசாலா தயாரிக்க

9. மிளகு – 1 தேக்கரண்டி

10. சீரகம் – 1 தேக்கரண்டி

11. சோம்பு – 1/2 தேக்கரண்டி

12. மிளகாய் வற்றல் – 4 எண்ணம்

13. மல்லித்தூள்– 1 தேக்கரண்டி

14. பட்டை – சிறிது

15. கிராம்பு – 2 எண்ணம்

16. முந்திரிப் பருப்பு – 6 எண்ணம்

17. ஏலக்காய் – 3 எண்ணம்

18. தேங்காய் – 1 மூடி

19. இஞ்சி – 1 சிறிய துண்டு

20. பூண்டு – 5 பல்

1. மட்டனை நன்கு சுத்தம் செய்து கழுவி எடுத்து வைக்கவும்.

2. மசாலாவுக்கு உரிய மிளகு, சீரகம், சோம்பு, மிளகாய் வற்றல், மல்லித்தூள், பட்டை, கிராம்பு, முந்திரி, ஏலக்காய், தேங்காய், இஞ்சி, பூண்டு என அனைத்தையும் சிறிது தண்ணீர்சேர்த்து நன்கு விழுதாக அரைத்துக் கெள்ளவும்.

3. ஒரு பாத்திரத்தில் மட்டன், மஞ்சள் தூள், உப்பு ,வெங்காயம், மற்றும் தக்காளியைப் போட்டு நன்கு கலந்து வைத்துக் கொள்ளவும்.

4. அதனுடன் அரைத்த மசாலாவையும் சேர்த்து நன்கு கிளறவும்.

5. கலந்து வைத்த மட்டன் கலவையை 15 நிமிடம் ஊற வைக்கவும்.

6. ஒரு கனமான வாணலியில் எண்ணெய் ஊற்றிக் காய்ந்ததும், சின்ன வெங்காயம், இஞ்சி பூண்டு விழுது இரண்டையும் நன்கு வதக்கி அதனுடன் ஊற வைத்த மட்டன் கலவையையும் சேர்த்து சிறிது நேரம் நன்றாக வதக்கவும்.

7. தேவையான அளவு தண்ணீர் ஊற்றி, நன்கு வேகவைத்து சிறிது புதினா மல்லித்தழை தூவி இறக்கி பரிமாறலாம்.

*****

இது முத்துக்கமலம் இணைய இதழின் படைப்பு.