ஆட்டு ஈரல் மிளகு வறுவல்
மாணிக்கவாசுகி செந்தில்குமார்
தேவையான பொருட்கள்:
1. ஆட்டு ஈரல் - 500 கிராம்
2. சின்ன வெங்காயம் - 150 கிராம்
3. பச்சை மிளகாய் - 2 எண்ணம்
4. மிளகாய் வற்றல் - 6 எண்ணம்
6. மிளகுத்தூள் - 2 மேசைக்கரண்டி
7. சோம்பு - 1 மேசைக்கரண்டி
8. சீரகம் - 1 தேக்கரண்டி
9. மஞ்சள் தூள் - 1/2 தேக்கரண்டி
10. கறிவேப்பிலை - சிறிது
11. மல்லித்தழை - சிறிது
12. நல்லெண்ணெய் - தேவையான அளவு
13. உப்பு - தேவையான அளவு
செய்முறை:
1. ஆட்டு ஈரலை நன்றாகக் கழுவி சுத்தம் செய்து சிறு துண்டுகளாக நறுக்கிக் கொள்ளவும்.
2. சின்ன வெங்காயம், பச்சை மிளகாயைப் பொடியாக நறுக்கி வைக்கவும்.
3. ஒரு பாத்திரத்தில் சுத்தம் செய்த ஈரலை போட்டு அதனுடன் சின்ன வெங்காயம், பச்சை மிளகாய், மஞ்சள் தூள், ஒரு தேக்கரண்டி மிளகுத்தூள், உப்பு போட்டு நன்றாகக் கலந்து அரை மணி நேரம் மூடி வைக்கவும்.
4. அடுப்பில் வாணலியை வைத்து எண்ணெய் ஊற்றிக் காய்ந்ததும், அதில் சோம்பு, சீரகம், கறிவேப்பிலை, மிளகாய் வற்றல் போட்டுத் தாளித்த பின்னர் ஈரல் கலவையைச் சேர்த்துக் கிளறவும்.
5. பின்னர் அதில் சிறிதளவு தண்ணீர் ஊற்றி மூடி போட்டு வேக வைக்கவும். அப்பொழுது தான் ஈரல் மென்மையாக இருக்கும்.
6. ஈரல் முக்கால் பதம் வெந்தவுடன் நன்றாகக் கிளறவும்.
7. பின்னர் மீதமுள்ள மிளகுத் தூளைத் தூவி, கரண்டி போட்டுக் கிளற வேண்டும்.
8. எண்ணெய் பிரிந்து வரும் போது அடுப்பை அணைத்து விடவும்.
9. கடைசியாக அதன் மீது மல்லித்தழை தூவிப் பரிமாறலாம்.
*****

இது முத்துக்கமலம் இணைய இதழின் படைப்பு.