1. பலாப்பழம் - 20 எண்ணம்

2. தேங்காய் பால் - 2 கப்

3. வெல்லம் - 150 கிராம்

4. ஏலக்காய் - 6 எண்ணம்

5. முந்திரிப்பருப்பு - 10 எண்ணம்

6. உலர் திராட்சை - 5 எண்ணம்

7. பிஸ்தாப் பருப்பு - 4 எண்ணம்

8. நெய் - 1 மேசைக்கரண்டி

1. முதலில் பலாப்பழத்தில் இருந்து விதைகளை நீக்கி விட்டுத் தனியாக வைக்கவும். ஒரு பலாப்பழத்தை மட்டும் பொடியாக நறுக்கி வைக்கவும்.

2. ஒரு பாத்திரத்தில் தண்ணீர் ஊற்றி, பலாப்பழத்தை வேக வைத்து ஆற வைக்கவும்.

3. ஆறியதும் மிக்சியில் போட்டு அரைத்துக் கொள்ளவும்.

4. ஒரு பாத்திரத்தில் தண்ணீர் ஊற்றி வெல்லம் போட்டு நன்றாகக் கரைந்ததும் வடிகட்டி, பாகாக எடுத்துக் கொள்ளவும்.

5. கடாயில் நெய் ஊற்றி முந்திரிப் பருப்பு, பிஸ்தா பருப்பை வறுத்து வைக்கவும்.

6. ஒரு பாத்திரத்தில் வெல்லப் பாகை ஊற்றி நன்றாகக் கொதிக்க ஆரம்பித்ததும், மசித்து வைத்த பலாப்பழ விழுதைப் போட்டுக் கிளறவும்.

7. அதன் பின்பு, ஏலத்தூள், தேங்காய்ப் பால் ஊற்றி ஒரு கொதி கொதிக்க விடவும்.

8. பின்னர் நெய்யில் வறுத்த முந்திரிப்பருப்பு, பிஸ்தாப் பருப்பு, பொடியாக நறுக்கிய பலாப்பழத்தை போட்டு இறுதியில் ஒரு தேக்கரண்டி நெய் சேர்த்து இறக்கிப் பரிமாறவும்.

*****

இது முத்துக்கமலம் இணைய இதழின் படைப்பு.