பலாப்பழப் பாயாசம்
மாணிக்கவாசுகி செந்தில்குமார்
தேவையான பொருட்கள்:
1. பலாச்சுளை - 20 எண்ணம்
2. தேங்காய்ப் பால் - 2 கோப்பை
3. வெல்லம் - 150 கிராம்
4. ஏலக்காய் - 6 எண்ணம்
5. முந்திரிப்பருப்பு - 10 எண்ணம்
6. பிஸ்தாப் பருப்பு - 6 எண்ணம்
7. நெய் - தேவையான அளவு
செய்முறை:
1. பலாச் சுளையில் இருந்து உள் நரம்பு மற்றும் கொட்டைகளை நீக்கி, சுளையைப் பொடியாக நறுக்கி வைக்கவும்.
2. ஒரு பாத்திரத்தில் தண்ணீர் ஊற்றி, பலாச் சுளையை வேக வைத்து ஆற வைக்கவும்.
3. பலாச்சுளை ஆறியதும் மிக்சியில் போட்டு அரைத்துக் கொள்ளவும்.
4. ஒரு பாத்திரத்தில் தண்ணீர் ஊற்றி வெல்லம் போட்டு நன்றாகக் கரைந்ததும் வடிகட்டி எடுத்துக் கொள்ளவும்.
5. கடாயில் நெய் ஊற்றி முந்திரி, பிஸ்தாவை வறுத்து வைக்கவும்.
6. ஒரு பாத்திரத்தில் வெல்லப்பாகை ஊற்றி, நன்றாகக் கொதிக்க ஆரம்பித்ததும் மசித்து வைத்த பலாப்பழ விழுதைப் போட்டுக் கிளறவும்.
7. அதன் பின்பு ஏலத்தூள், தேங்காய்ப்பால் ஊற்றி ஒரு கொதி கொதிக்க விடவும்.
8. நெய்யில் வறுத்த முந்திரி, பிஸ்தா, பொடியாக நறுக்கிய பலாப்பழத்தை போட்டு இறுதியில் ஒரு தேக்கரண்டி நெய் சேர்த்து இறக்கிப் பரிமாறவும்.
*****

இது முத்துக்கமலம் இணைய இதழின் படைப்பு.