பீர்க்கங்காய் சட்னி
ராஜேஸ்வரி மணிகண்டன்
தேவையான பொருட்கள்:
1. பீர்க்கங்காய் - 1 எண்ணம்
2. தக்காளி - 3 எண்ணம்
3. பெரியவெங்காயம் - 1 எண்ணம்
4. மிளகாய் வற்றல் - 6 எண்ணம்
5. எண்ணெய் - தேவையான அளவு
6. கடுகு - 1/4 தேக்கரண்டி
7. பெருங்காயம் - சிறு துண்டு
8. கறிவேப்பிலை - சிறிது
9. உப்பு - தேவையான அளவு
செய்முறை:
1. பீர்க்கங்காய், தக்காளி, வெங்காயம் என அனைத்தையும் பொடியாக நறுக்கிக் கொள்ளவும்.
2. ஒரு வாணலியில் சிறிது எண்ணெய் விட்டு அதில் பீர்க்கங்காய்த் துண்டுகளைப் போட்டு வதக்கி எடுத்துக் கொள்ளவும்.
3. வாணலியில் சிறிது எண்ணெய் விட்டுக் காய்ந்ததும், அதில் கடுகு, காய்ந்த மிளகாய், கறிவேப்பிலை, பெருங்காயம் சேர்த்து நன்றாகத் தாளித்துக் கொள்ளவும்.
4. பின்னர் அதில் நறுக்கிய வெங்காயம், வதக்கி வைத்த பீக்கங்காய், தக்காளி சேர்த்து வதக்கவும்.
5. வதக்கியவற்றைச் சூடுபோக ஆற விடவும்.
6. அதனுடன் உப்பு சேர்த்து நன்கு விழுதாக அரைத்துப் பயன்படுத்தலாம்.
*****

இது முத்துக்கமலம் இணைய இதழின் படைப்பு.