முள்ளங்கிப் பொரியல்
மாணிக்கவாசுகி செந்தில்குமார்
தேவையான பொருட்கள்:
1. முள்ளங்கி- 1 எண்ணம்
2. கடுகு- 1 தேக்கரண்டி
3. உளுத்தம்பருப்பு- 1 தேக்கரண்டி
4. சாம்பார்பொடி- 1 தேக்கரண்டி
5. கறிவேப்பிலை- சிறிது
6. பெருங்காயத்தூள்- சிறிது
7. எண்ணெய்- தேவையான அளவு
8. உப்பு- தேவையான அளவு.
செய்முறை:
1. முள்ளங்கியைத் தோல் சீவி பொடியாக நறுக்கிக் கொள்ளவும்.
2. ஒரு வாணலியில் எண்ணெய் ஊற்றிக் காய்ந்ததும், அதில் கடுகு, உளுந்தம்பருப்பு, கறிவேப்பிலை போட்டுத் தாளிக்கவும்.
3. தாளிசத்துடன் நறுக்கி வைத்திருக்கும் முள்ளங்கியைச் சேர்த்து, சிறிது உப்பு போட்டுத் தண்ணீர் சேர்த்து வேக விடவும்.
4. முள்ளங்கி பாதி வெந்தவுடன், அதில் சாம்பார் பொடி சேர்த்து வதக்கவும்.
5. பின்னர் அதனுடன் எண்ணெய் விட்டு அடிப்பிடிக்காமல் கிளறி, நன்றாக வெந்ததும் இறக்கவும்.
*****

இது முத்துக்கமலம் இணைய இதழின் படைப்பு.